অৰুণাচল প্ৰদেশত শীতৰ আনন্দ ল’বলৈ গৈ পথ দুৰ্ঘটনাত পতিত হয় অসমৰ ডিব্ৰুগড় জিলাৰ এটা পৰিয়াল।
ডিব্ৰুগড় জিলাৰ মিৰ্জাবাগৰ কাজি জিল্লু ৰহমান আৰু তেওঁৰ চাৰিজনীয়া পৰিয়ালটোৱে সোমবাৰে অৰুণাচল প্ৰদেশৰ নামনি দিবাং উপত্যকা জিলাৰ মায়’ডিয়ালৈ বৰফ উপভোগ কৰিবলৈ যোৱাৰ সময়তে পথ দুৰ্ঘটনাত পতিত হয় তেওঁলোকৰ চাৰিচকীয়া বাহনখন।
পৰিয়ালটোৱে মায়’ডিয়া পোৱাৰ আগে আগে তিৱাৰী বস্তি নামৰ এখন ঠাইত কেকুৰী ঘুৰোটেই পাহাৰৰ পৰা প্ৰায় ৩০০ ফুট তললৈ সৰি পৰে।
ভয়ানক দুৰ্ঘটনাটোত কাজি জিল্লু ৰহমান থিতাতে নিহত হোৱাৰ বিপৰীতে পৰিয়ালৰ অন্য চাৰিজন লোক গুৰুতৰভাৱে আঘাতপ্ৰাপ্ত হয়।
ভাৰতীয় সেনা বাহিনীয়ে দুৰ্ঘটনা সংঘটিত হোৱা ঠাইত উপস্থিত হৈ গাড়ীখনৰ ভিতৰত আবদ্ধ লোকসকলক উদ্ধাৰ কৰে আৰু চিকিৎসালয়লৈ প্ৰেৰণ কৰে বুলি জানিব পৰা গৈছে।
