গোৱালপাৰা জিলাৰ কৃষ্ণাই আৰক্ষী থানাত অন্তৰ্গত মানিকপুৰত আজি ৰাতিপুৱা সংঘটিত হোৱা এক চুৰিকাণ্ডত চোৰে নগদ ধনসহ ৪০ তোলাৰ সোণৰ আ-আলংকাৰ লুটি লৈ যায়।
ঘটনাৰ বিৱৰণী অনুসৰি, আজি ৰাতিপুৱা মানিকপুৰৰ নুৰহুছেইন খানে পৰিয়ালসহ ভাতৃ মনোৱাৰ খান আৰু ভাই বোৱাৰী আবজান লেচাক হজ যাত্ৰাৰ বাবে আগবঢ়াই থবলৈ যোৱাৰ সময়তে ঘটনাটো সংঘটিত হয়।
জেষ্ঠ ভাতৃ নুৰহুছেইন খানে হজলৈ যাবলগীয়া ভাতৃক বিদায় দি আহি ঘৰত উপস্থিত হোৱাৰ সময়তে ঘৰৰ দুৱাৰ খোলা দেখা পাই হাহাকাৰ সদৃশ পৰিবেশৰ সৃষ্টি হয়।
নুৰহুছেইন খানৰ চিঞৰ-বাখৰত স্থানীয় লোক তেওঁৰ বাসগৃহত উপস্থিত হয় আৰু চোৰে নগদ ধন সহ ৪০ তোলা সোণৰ আ-অলংকাৰ লুটি লৈ যোৱা বুলি নিশ্চিত হয়।
ঘটনাৰ পাছতে খানে সমষ্ট ঘটনাৰ বিষয়ে স্থানীয় আৰক্ষী থানাত এখন এজাহাৰ দাখিল কৰে। আৰক্ষীয়ে খানৰ এজাহাৰৰ ভিত্তিত বৰ্তমান সমষ্ট ঘটনাৰ ওপৰত তদন্ত আৰম্ভ কৰিছে।