কেৱল ৰাজ্যসভাৰ সাংসদসকলেই বছৰি কোটি কোটি টকা খৰচ কৰে। তথ্যৰ অধিকাৰ আইন বা আৰ টি আইৰ তথ্য অনুসৰি যোৱা দুবছৰত ৰাজ্যসভাৰ সাংসদসকলৰ দৰমহা, ভাট্টা আৰু অন্যান্য সুযোগ-সুবিধাৰ বাবে প্ৰায় ২০০ কোটি টকা ব্যয় কৰা হৈছে।
আনহাতে, যোৱা দুবছৰত ৰাজ্যসভাৰ সাংসদসকলৰ ভ্ৰমণৰ বাবে ব্যয় হৈছে ৬৩ কোটি টকা। ২০২১-২২ বৰ্ষৰ কৰ’না মহামাৰীৰ পিছত ৰাজ্যসভাৰ সদস্যৰ বাবে ৯৭ কোটি টকাৰো অধিক ব্যয় কৰা হৈছে।
সাংসদসকলৰ বাবে কেৱল দেশৰ অভ্যন্তৰৰ ভ্ৰমণৰ বাবে ২৮.৫ কোটি টকা ব্যয় কৰা বুলি আৰ টি আইৰ তথ্যই প্ৰকাশ কৰিছে। সেইদৰে, আন্তঃৰাষ্ট্ৰীয় ভ্ৰমণৰ বাবে ৰাজকোষৰ পৰা ১.২৮ কোটি টকা ব্যয় কৰা হৈছে। ৫৭.৬ কোটি টকা দৰমহা প্ৰদানৰ বাবে ব্যয় কৰা হৈছে।
লগতে পঢ়ক: আকৌ মণিপুৰত হিংসা, ইম্ফলৰ বজাৰত অগ্নিসংযোগ! সেনাক তলব, পুনৰ সান্ধ্য আইন জাৰি
সাংসদ আৰু তেওঁলোকৰ পৰিয়ালৰ চিকিৎসা বিল পূৰণৰ বাবে ১৭ লাখ টকা ব্যয় কৰা হৈছে। সংসদ সদস্যৰ কাৰ্যালয়ৰ খৰচ বহন কৰিবলৈ ৭.৫ কোটি টকা খৰচ কৰা হৈছে। সাংসদসকলৰ তথ্য প্ৰযুক্তিৰ বাবে ৰাজকোষৰ পৰা দিয়া হৈছে ১.২ কোটি টকা।
মধ্যপ্ৰদেশৰ চন্দ্ৰ শেখৰ গৌৰে তথ্যৰ অধিকাৰ আইনৰ অধীনত দাখিল কৰা এক প্ৰশ্নৰ উত্তৰত ৰাজ্যসভা সচিবালয়ে এই তথ্য প্ৰকাশ কৰে।
ইয়াত আৰু অধিক বিশদ তথ্যৰ দাঙি ধৰি কোৱা হৈছে যে ২০২১-২৩ চনত মুঠ ১০০ কোটি টকা ব্যয় কৰা হৈছে। ইয়াৰে ৩৩ কোটি টকা দেশ-বিদেশ ভ্ৰমণৰ বাবে ব্যয় কৰা হৈছে। ৰাজ্যসভা সচিবালয়ে কয় যে ২০২২-২৩ চনত ৰাজ্যসভাৰ সদস্যসকলৰ দৰমহাত ৫৯.৫ কোটি টকা ব্যয় কৰা হৈছিল। বিদেশ ভ্ৰমণৰ বাবে ৩০.৯ কোটি টকা ব্যয় হোৱাৰ বিপৰীতে দেশত ভ্ৰমণৰ বাবে ২.৬ কোটি টকা ব্যয় হয়।
আন খৰচৰ ভিতৰত চিকিৎসাৰ খৰচো অন্তৰ্ভুক্ত। য’ত খৰচ হৈছে ৬৫ লাখ টকা। আৰু কাৰ্যালয়ৰ বাবে ৭ কোটি টকা খৰচ কৰা হৈছে। তথ্য-প্ৰযুক্তিৰ আন্তঃগাঁথনিৰ বাবে ব্যয় কৰা হৈছে ১.৫ কোটি টকা।
লগতে পঢ়ক: হঠাতে মেট্ৰিকৰ ফলাফল ঘোষণা জোনমণি ৰাভাৰ মৃত্যুৰ গোচৰৰ পৰা দৃষ্টি আঁতৰোৱাৰ কৰাৰ কৌশল নেকি?
২০২১ চনৰ ৰেকৰ্ড অনুসৰি ৰাজ্যসভাৰ সদস্যসকলৰ উৎপাদনশীলতাৰ হাৰ শীতকালীন অধিবেশনত ৪৩ শতাংশ, বৰ্ষাকালীন অধিবেশনত ২৯ শতাংশ আৰু বাজেট বিতৰ্কত ৯০ শতাংশ। পিছৰ বছৰ অৰ্থাৎ শীতকালীন অধিবেশনত উৎপাদনশীলতাৰ হাৰ ৯৪ শতাংশ, বৰ্ষাকালীন অধিবেশনত ৪২ শতাংশ আৰু বাজেট অধিবেশনৰ সময়ত ৯০ শতাংশ আছিল। এই বছৰ এতিয়ালৈকে বাজেট অধিবেশনত সৰ্বনিম্ন কাম হৈছে -২৪ শতাংশ।
