সকলো গতানুগতিক সঁজুলি ব্যৱহাৰ কৰি ইউক্ৰেইন জয় কৰাত ব্যৰ্থ হৈছে ৰাছিয়া। যুদ্ধত ইউক্ৰেইনক পৰাস্ত কৰিব নোৱাৰি দ্ৰোণ আৰু ক্ষেপণাস্ত্ৰ প্ৰয়োগ কৰি ইউক্ৰেইনৰ প্ৰায়বোৰ বিদ্যুৎ শক্তি কেন্দ্ৰ ধ্বংস কৰি পেলাইছিল ৰাছিয়াই। ইয়াৰ পিছতো ইউক্ৰেইন নিজৰ হাতলৈ আনিব নোৱাৰি এতিয়া আন এক কৌশল ব্যৱহাৰ কৰিবলৈ আগিবাঢ়িছে ৰাছিয়াই।
এইবাৰ ইউক্ৰেইনৰ কৃষিভূমি মৰুভূমিলৈ ৰূপান্তৰিত কৰি ইউক্ৰেইনক খাদ্য সংকটত পেলোৱাৰ কৌশল আৰম্ভ কৰিছে ৰাছিয়াই।
ৰাছিয়াই যোৱা জুন মাহত কাখভকা বান্ধ নিৰ্মাণ কৰি দক্ষিণ ইউক্ৰেইনৰ কৃষিভূমিক মৰুভূমিলৈ ৰূপান্তৰিত কৰাৰ চেষ্টা চলাইছে।
আনহাতে ৰাছিয়াই ৰাষ্ট্ৰসংঘৰ মধ্যস্থতাত কৃষ্ণ সাগৰৰ মাজেৰে ইউক্ৰেইনৰ শস্য ৰপ্তানি ৰোধ কৰিবলৈ ‘ব্লেক ছি গ্ৰেইন ইনিচিয়েটিভ (বিএছজিআই)’ চুক্তিত স্বাক্ষৰ কৰিছে। ইতিমধ্যে ৰপ্তানিৰ বাবে জমা হৈ থকা ২ লাখ ২০ হাজাৰ টন খাদ্যশস্য ধ্বংস হৈছে।
আচলতে এইবোৰ কামৰ জৰিয়তে খাদ্যক অস্ত্ৰলৈ ৰূপান্তৰিত কৰা হৈছে। ইয়াৰ দ্বাৰা ৰাছিয়াই ঘূৰাই আনিছে বিশ্বৰ আটাইতকৈ পুৰণি যুদ্ধ নীতি। প্ৰাচীন কালত সৈন্যই শত্ৰুক বশ কৰিবলৈ খাদ্য সংকটৰ সৃষ্টিৰ বাবে নানা কৌশল প্ৰয়োগ কৰিছিল।
