Russia-Ukraine war ইউক্ৰেইন-ৰাছিয়াৰ যুদ্ধ বন্ধ কৰিবলৈ বিশ্বৰ বিভিন্ন মহলে বিভিন্ন ধৰণে প্ৰচেষ্টা চলাই আছে। কিন্তু ৰাছিয়াই ইউক্ৰেইনৰ ওপৰত ইয়াৰ আক্ৰমণৰ সিদ্ধান্তত অটল হৈ আছে। শুকুৰবাৰে ইউক্ৰেইনৰ বন্দৰ চহৰ ওডেছাত ৰাছিয়াৰ মিছাইল আক্ৰমণত কমেও ১৯ জন লোক নিহত হৈছে।
কৃষ্ণ সাগৰৰ পৰা ৰাছিয়াৰ কৌশলগত পশ্চাদপসৰণৰ ঠিক এদিন পিছতে এই আক্ৰমণটো সংঘটিত হয়।
লগতে পঢ়ক: 2022 Maruti Suzuki Brezza: দাম বেছি নহয়! মধ্যবিত্তৰ বাবে মাৰুতিয়ে বজাৰলৈ আনিলে নতুন SUV
এই সংক্ৰান্তত এটা ভিডিঅ’ দেখা গৈছে। ভিডিঅ’টোত ওডেছাৰ পৰা ৫০ কিলোমিটাৰ দক্ষিণ-পশ্চিমত থকা অঞ্চলটোৰ ঘৰসমূহৰ ওপৰত মিছাইল আক্ৰমণৰ জীৱন্ত ছবি দেখা গৈছে।
ইউক্ৰেইনৰ ৰাষ্ট্ৰপতিৰ কাৰ্যালয়ে কয় যে ৰাছিয়াৰ দ্বাৰা নিক্ষেপ কৰা তিনিটা এক্স-২২ মিছাইলে অঞ্চলটোৰ ঘৰ আৰু শিবিৰসমূহ ধ্বংস কৰি দিছে।
লগতে পঢ়ক: IND vs ENG: পন্টৰ বিস্ফোৰক শতক, জাদেজাৰ অপ্ৰতিৰোধ্য বেটিঙেৰে এজবাষ্টনত ইংলেণ্ডক উভতি ধৰিলে ভাৰতে
“এখন উগ্ৰবাদী দেশে আমাৰ লোকসকলক হত্যা কৰিছে। যুদ্ধক্ষেত্ৰত পৰাজিত হৈ তেওঁলোকে আমাৰ সাধাৰণ নিৰীহ দেশবাসীক আক্ৰমণ কৰি আছে,” ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিৰ কাৰ্যালয়ৰ মুৰব্বী আন্দ্ৰে য়েৰমাকে এইদৰে কয়।
