চাওঁতাল জন জনগোষ্ঠীৰ লোকসকলক চাওঁতাল হিচাপে জাতিগত প্ৰমাণ পত্ৰ প্ৰদান কৰিবৰ বাবে দাবী অসম চৰকাৰক ।
যদি চৰকাৰে চাওঁতাল জনগোষ্ঠীক অন্যান্য পিছপৰা শ্ৰেণীৰ অন্তৰ্ভূক্ত কৰি চাওঁতাল হিচাপে স্বীকৃতি প্ৰদান নকৰে তেনেহলে সদৌ চাওঁতাল ছাত্ৰ সন্থাৰ লগতে চাওঁতাল জাতীয় সংগঠন সমূহে আন্দোলনৰ কাৰ্যসূচী গ্ৰহণৰ সিদ্ধান্ত লোৱাৰ কথা ঘোষণা কৰিছে।
অহা দহ ডিচেম্বৰলৈকে সময়মীয়া বান্ধি দিলে চৰকাৰক।
অন্যথা জংগী আন্দোলনৰো হুংকাৰ।
কলিয়াবৰৰ হাটবৰৰ নাট্য মন্দিৰত অনুষ্ঠিত বিশেষ জাতীয় অভিৱৰ্তনত এইদৰে ঘোষণা কৰে সদৌ চাওঁতাল ছাত্ৰ সন্থাই।
সদৌ চাওঁতাল ছাত্ৰ সন্থাৰ সভাপতি মিণ্টু হেম্বৰমৰ সভাপতিত্বত অনুষ্ঠিত বিশেষ জাতীয় অভিৱৰ্তনত অসম চাওঁতালী সাহিত্য সভা,অসম চাওঁতালী সাহিত্য পৰিষদ,আচডা, এচেকা, অসম চাওঁতালী যুৱ সন্থা, মাঝি মণ্ডল, অসম চাওঁতালী মহিলা সমিতি আদিকে কৰি বহুকেইটা চাওঁতালী সংগঠনৰ প্ৰতিনিধিৰ লগতে বিশিষ্ট ব্যক্তিসকল উপস্থিত থাকে।
