একাউন্টত ৩ বাৰতকৈ বেছি নগদ ধন জমা কৰিলে ভৰিব লাগিব চাৰ্জ; এছ বি আইৰ নতুন নিয়ম
দেশৰ আটাইতকৈ ডাঙৰ চৰকাৰী বেংক ভাৰতীয় ষ্টেট বেংকে (এছ বি আই) অহা ১ অক্টোবৰৰ পৰা চাৰ্ভিছ চাৰ্জৰ সালসলনি ঘটাব।
ইয়াৰ ভিতৰত বেংকত টকা জমা কৰা, টকা উলিওৱা, চেকৰ ব্যৱহাৰ, এটিএম লেনদেনৰ সৈতে জড়িত চাৰ্ভিছ চাৰ্জো আছে।
চাৰ্ভিছ চাৰ্জ সালসলনি সন্দৰ্ভত এছ বি আইয়ে ইয়াৰ ৱেবছাইটত এখন জাননীও জাৰি কৰিছে।
এছ বি আইয়ে যিকেইটা আটাইতকৈ গুৰুত্বপূৰ্ণ সালসলনি কৰিবলৈ গৈ আছে তাৰ ভিতৰত বেংকৰ একাউন্টত টকা জমা কৰা বিষয়টোও আছে।
বেংকৰ জাননী অনুসৰি, ১ অক্টোবৰৰ পাছত আপুনি এমাহত নিজৰ একাউন্টত মাত্ৰ ৩ বাৰহে বিনামূলীয়াকৈ টকা জমা কৰিব পাৰিব।
ইয়াতকৈ অধিক বাৰ যদি আপুনি টকা জমা কৰে তেতিয়াহ’লে প্ৰতিটো লেনদেনত ৫০টকা (জি এছ টি বাদ দি) চাৰ্জ ভৰিব লাগিব। বেংকে চাৰ্বিছ চাৰ্জত ১২ শতাংশ জি এছ টি কাটি লয়।
সেইদৰে আপুনি যেতিয়া চতুৰ্থ, পঞ্চম বা অধিকবাৰৰ বাবে টকা জমা কৰে তেতিয়া আপোনাৰ প্ৰতিবাৰে ৫৬ টকা অধিক ভৰিব লাগিব।
উল্লেখ্য যে বৰ্তমান কোনো বেংকতে একাউন্টত টকা জমা কৰাৰ ক্ষেত্ৰত কোনো বাধ্য বাধকতা নাই। যিকোনো ব্যক্তিয়ে নিজৰ একাউন্টত মাহটোত যিমান ইচ্ছা সিমান বাৰ টকা জমা কৰিব পাৰে।
আনহাতে, এছ বি আইয়ে চেক ৰিটাৰ্ণৰ নিয়মো কঠোৰ কৰিব। বেংকৰ জাননী অনুসৰি, ১ অক্টোবৰৰ পাছত কোনো চেক কাৰিকৰী কাৰণত যদি (বাউন্স হোৱাৰ বাহিৰে) ঘুৰাই লোৱা হয় তেতিয়া চেক প্ৰদান কৰা ব্যক্তিগৰাকীৰ ওপৰত ১৫০ টকাৰ লগতে জি এছ টি চাৰ্জ আৰোপ কৰা হ’ব। ইয়াত জিএছটিসহ চাৰ্জ হ’ব ১৬৮ টকা।
ইপিনে, এছ বি আইয়ে আৰ টি জি এছৰ ওপৰত লগোৱা চাৰ্জত ৰেহাই দিছে। ১ অক্টোবৰৰ পৰা বেংকটোৰ শাখাত গৈ আৰ টি জি এছ কৰাটো সস্তা হ’ব।
১অক্টোবৰৰ পৰা ২ ৰ পৰা ৫ লাখ টকা পৰ্যন্ত আৰ টি জি এছত ২০ টকা (জি এছ টি বাদ দি) চাৰ্জ দিব লাগিব।
আনহাতে, ৫ লাখ টকাৰ অধিক আৰ টি জি এছত ৪০ টকা(জি এছ টি বাদ দি) চাৰ্জ ভৰিব লাগিব।
সেইদৰে পৰা ২ ৰ পৰা ৫ লাখ টকা পৰ্যন্ত আৰ টি জি এছত ২৫ টকা আৰু ৫ লাখ টকাৰ অধিক আৰ টি জি এছত ৫০ টকা চাৰ্জ ভৰিব লাগিব।