উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ বুল্ড’জাৰত উচ্চতম ন্যায়ালয়ৰ ব্ৰেক। যোগীয়ে আৰু চলাব নোৱাৰিব বুল্ড’জাৰ।
উত্তৰ প্ৰদেশ চৰকাৰে ২০১৯ ৰ নাগৰিকত্ব আইন বিৰোধী প্ৰতিবাদৰ সময়ত ক্ষতি হোৱা সম্পত্তিৰ পৰিমান প্ৰতিবাদকাৰীৰ সম্পত্তিৰ পৰা উদ্ধাৰ কৰা হব বুলি জাননী জাৰী কৰিছিল।
ইয়াকে লৈ তীব্ৰ অসন্তুষ্টি প্ৰকাশ কৰিছে উচ্চতম ন্যায়ালয়ে। উচ্চতম ন্যায়ালয়ে উত্তৰ প্ৰদেশ চৰকাৰক অন্তিম স্থগিতাদেশ প্ৰদান কৰিছে।
যোগী চৰকাৰৰ এই কাৰ্যক বে-আইনী আখ্যা দিছে সৰ্ব্বোচ্চ ন্যায়ালয়ে। প্ৰতিবাদকাৰীৰ সম্পত্তিৰ ওপৰত এনেকৈ বুল্ডজাৰ চলোৱা কাৰ্য অতি সোনকালে প্ৰত্যাহাৰ কৰিবলৈ সতৰ্ক কৰি দিছে ন্যায়ালয়ে।
একে সময়তে, আদালতে উত্তৰ প্ৰদেশ চৰকাৰক ভৰ্ৎসনা কৰি কয় যে যদি চৰকাৰে এই কথা নুশুনে, তেন্তে ফলাফলৰ বাবে সাজু হৈ থাকিব লাগিব। উচ্চতম ন্যায়ালয়ৰ আদেশ কেনেদৰে অনুসৰণ কৰা হয় আমি আপোনালোকক শিকাম।
ন্যায়াধীশ ডি ৱাই চন্দ্ৰচূড়ৰ বিচাৰপীঠে উত্তৰ প্ৰদেশ চৰকাৰক এই কাৰ্য প্ৰত্যাহাৰ কৰিবলৈ আদেশ দিছে। নতুবা ন্যায়ালয়ে নিজেই এই কাৰ্যবাতিল কৰিব, কিয়নো ই শীৰ্ষ ন্যায়ালয়ে নিৰ্ধাৰণ কৰা নিয়মৰ বিৰোধী।
ন্যায়ালয়ে যোগীক আইনী প্ৰক্ৰিয়া অনুসৰণ কৰিবলৈ ১৮ ফেব্ৰুৱাৰীলৈকে সময়-সীমা বান্ধি দিছে।
আবেদনকাৰীয়ে অভিযোগ কৰিছে চৰকাৰে ছ্বৈৰচ্ছাৰীভাবে জাননী জাৰি কৰিছে। ছয় বছৰ পূৰ্বে মৃত্যু হোৱা ৯৪ বছৰ বয়সৰ এজন ব্যক্তিৰ বিৰুদ্ধেও জাননী জাৰি কৰা হৈছে বুলি অভিযোগ উত্থাপন হৈছে।
