সমগ্ৰ বিশ্বত এতিয়াও প্ৰায় ৩০০ জীৱন্ত আগ্নেয়গিৰি আছে। এই ৩০০ৰো অধিক জীৱন্ত আগ্নেয়গিৰি কেতিয়া উদগীৰণ ঘটিব তাৰ আগজননী পোৱাটো বা ইয়াৰ আগতীয়া নজৰদাৰিত্ব কৰাতো অসম্ভৱপ্ৰায় কাম।
আনকি আগ্নেয়গিৰি উদগীৰণৰ সময়ত নিৰ্গত গেছ বা গেদীয় ভাৱমণ্ডলে সেই মুহূৰ্ত বা তাৰ পৰৱৰ্তী পৰ্যায়ত কেনে ক্ষতিকৰ প্ৰভাৱ পেলাব অথবা আগ্নেয়গিৰি সমীপৰৱৰ্তী কিমান এলেকাক কিমান ক্ষতি কৰিব তাৰো আগতীয়া নিৰূপণ কৰা সম্ভৱ নহয়।
কিন্তু এই অসম্ভৱপ্ৰায় কামটোকে সম্ভৱৰ কৰি তুলিবলৈ সাজু হৈছে বৈজ্ঞানিকসকল।
প্ৰকাশিত এক প্ৰতিবেদনৰ খবৰৰ মতে এতিয়াৰ পৰা এই সকলোবোৰ সম্ভেদ আগতীয়ালৈকে পাবলৈ সক্ষম হ’ব বুলি দাবী কৰিছে বিজ্ঞানীসকলে।
এক বিশেষভাৱে নিৰ্মিত ড্ৰোণে এতিয়াৰ পৰা আগ্নেয়গিৰি উদগীৰণৰ পূৰ্বে এই সকলোবোৰ সম্ভেদ দিবলৈ সক্ষম হ’ব বুলি প্ৰকাশ কৰা হৈছে প্ৰতিবেদনখনত।
ইতমিধ্যে বিশেষভাৱে নিৰ্মিত এই ড্ৰোণে পৰীক্ষা নিৰীক্ষাত সফল হৈছে বুলিও দাবী কৰা হৈছে।
ইফালে আচৰতি যেন লাগিলেও হ’লেও বৰ্তমান জীৱন্ত আগ্নেয়গিৰি ওপৰত বিজ্ঞানীসকলে এই বিশষ ড্ৰোণ ব্যৱহাৰ কৰি গৱেষণা কৰি আছে। এই অধ্যয়ন তথা গৱেষণাৰ দ্বাৰা দাবী কৰা হৈছে যে বিশেষভাৱে নিৰ্মিত ড্ৰোণবিধে উদগীৰণ হোৱাৰ পূৰ্বে আগ্নেয়গিৰিটোৰ তথ্য প্ৰেৰণ কৰিব পাৰিব।
যাৰ ফলত উদগীৰণৰ পৰৱৰ্তী সময়ত ক্ষয় ক্ষতি সম্পৰ্কে আগতীয়া সমীক্ষাৰে ক্ষতিৰ পৰিমাণ নিৰূপণ কৰিব পাৰিব বুলি প্ৰকাশ কৰা হৈছে প্ৰতিবেদনখনত।
পাপুৱা নিউ গিনিৰ উপকূলৱৰ্তী অঞ্চলৰ পৰা ১০ কিলোমিটাৰ নিলগৰ এক দ্বীপত অৱস্থিত মানাম মোটু জীৱন্ত আগ্নেয়গিৰিত এই ধৰণৰ ড্ৰোণ ব্যৱহাৰ কৰি অধ্যনয় কৰা হৈছিল।
ইফালে ছায়েন্স এলাৰ্টক ইউনিভাৰ্চিটি কলেজ লণ্ডনৰ ভ’লকেন’লজিষ্ট এমে লিউৱে কয় যে মানামক বিতংভাৱে অধ্যয়ন কৰা হোৱা নাই যদিও তেওঁলোকে ছেটেলাইট তথ্যৰ পৰা দেখা পোৱা গৈছিল যে ই শক্তিশালী নিৰ্গমণ প্ৰস্তুত কৰাৰ সম্ভেদ দিব পাৰিছে।
নিউ মেক্সিকো বিশ্ববিদ্যালয়ৰ পৰা থকা জিঅ’কেমিষ্ট টোবাইচ ফ্রীছ্ৰে কয় যে তেওঁলোকে এই অতি বৃহৎ কাৰ্বন ডাই অক্সাইডৰ পৰা কাৰ্বন নিৰ্গমনৰ পৰিমাণ নিৰ্ধাৰণ কৰিবলৈ চেষ্টা কৰিছে।
আগ্নেয়গিৰিটো অৱস্থিত দ্বীপটোত প্ৰায় ৯ হাজাৰ লোকক বসবাস কৰে। আগ্নেয়গিৰিটো ড্ৰোণটো পৰীক্ষা নিৰীক্ষা কৰি সফল হোৱা বুলি বিজ্ঞানীসকলে দাবী কৰিছে।
উল্লেখ্য যে, ইয়াৰ পূৰ্বেও ২০১৮ আৰু ২০১৯ চনৰ মে’ মাহত দুটা পৃথক ড্ৰোণৰ সহায়ত এই আগ্নেয়গিৰিটো পৰীক্ষা কৰা হৈছিল।