বিগত নিৰ্বাচনত কংগ্ৰেছৰ দিনত বিকাশ নোহোৱা বুলি অভিযোগ অনা বিজেপি চৰকাৰৰ দিনত প্ৰকৃত উন্নয়নৰ ছবি উদঙাই দিছে যোৰহাট জিলাৰ টীয়কৰ অধিকাংশ বাট-পথে।
টীয়ক নগৰৰ গাতে লাগি থকা টীয়ক-চিৰাম মিচিং গাঁৱৰ মূল পথটো বৰ্তমান পথাৰলৈ ৰূপান্তৰিত হৈছে ।
পৰিৱৰ্তনৰ আশাত ৰাইজ এতিয়া গৃহবন্দী হোৱাৰ বাহিৰে অন্য পথ নোহোৱা হৈছে কদৰ্য্য বাট-পথৰ বাবে।
আগন্তুক বিধানসভা নিৰ্বাচনত হিতাধিকাৰীৰ মাজত মায়াজাল সৃষ্টিৰে ভোটাৰক আকৰ্ষণ কৰাত ব্যস্ত থকা সোণোৱাল নেতৃত্বাধীন চৰকাৰখনে বাট-পথৰ জৰাজীৰ্ণ অৱস্থাৰ প্ৰতি প্ৰায় পিঠি দিয়া দেখা গৈছে।
উল্লেখযোগ্য যে, বৰ্তমান সময়ত বৰষুণৰ বাবে টীয়ক-চিৰিম সংযোগী পথছোৱাত গাড়ী, মটৰ চলোৱা দূৰৰ কথা মানুহ খোজকাঢ়ি অহাটো কঠিন হৈ পৰিছে।
স্থানীয় গাঁৱবাসীয়ে বিভাগীয় প্ৰতিনিধিক শীঘ্ৰে কদৰ্য্য পথছোৱা মেৰামতি কৰি যাতায়তৰ উপযোগী কৰি তোলাৰ বাবে আহ্বান জনাইছে।