নতুন দিল্লীত অনুষ্ঠিত এছ কে এফ আইৰ তত্বাবধানত অনুষ্ঠিত ৰাষ্ট্ৰীয় পৰ্যায়ৰ কাৰাটে প্ৰতিযোগিতাত কলিয়াবৰৰ মিছাৰ ৱাৰিঅ’ৰ মাৰ্চেল আৰ্ট কাৰাটে একাডেমীৰ সাতজনকৈ খেলুৱৈয়ে প্ৰতিযোগিতাখনত অংশগ্ৰহণ কৰি পদক অৰ্জন কৰিবলৈ সক্ষম হৈছে।
দলটোৱে সোণ, ৰূপ, ব্ৰঞ্জকে আদি কৰি মুঠ ১৪ টা পুৰস্কাৰৰ লগতে দুটাকৈ শ্ৰেষ্ঠ খেলুৱৈৰ সন্মান লাভ কৰিবলৈ হয়।
ৰাজ নায়কৰ তত্বাবধানত যোৱা দলটোৰ খুশী নায়ক আৰু আহাদুৰ হকে শ্ৰেষ্ঠ খেলুৱৈৰ সন্মান লাভ কৰে।
লগতে পঢ়ক: বৰপেটাত অসম কন্যা লাভলীনা বৰগোঁহাইক অৰ্ধ শতাধিক দল-সংগঠনৰ ৰাজহুৱা সম্বৰ্ধনা
ইপিনে, আটাইকেইজন খেলুৱৈয়ে নেপালত অনুষ্ঠিত হ’ব লগা কাৰাটে প্ৰতিযোগিতাৰ বাবেও নিৰ্বাচিত হয় যদিও আৰ্থিক অসুবিধাৰ বাবে চিন্তিত হৈ পৰিছে খেলুৱৈৰ লগতে প্ৰশিক্ষক ৰাজ নায়কো।
এইক্ষেত্ৰত আৰ্থিক অসুবিধা যাতে হেঙাৰ হ’ব নোৱাৰে তাৰবাবে চৰকাৰৰ সহায় বিচাৰিছে ক্ৰীড়প্ৰেমীসকলে।
