প্ৰথমবাৰৰ বাবে সত্ৰনগৰী বৰপেটাত উপস্থিত হোৱা লাভলীনা বৰগোঁহাইক শনিবাৰে অৰ্ধ শতাধিক দল-সংগঠন- সামাজিক অনুষ্ঠানে বিশেষভাবে সম্বৰ্ধনা জনায় ৷
বৰপেটা জিলা এমেচাৰ বক্সিং সন্থাৰ উদ্যোগত আৰু ক্লাব ৰাইনোৰ সহযোগত অনুষ্ঠিত ৰাজহুৱা সম্বৰ্ধনা অনুষ্ঠানত শনিবাৰে উপস্থিত হয় লাভলীনা বৰগোঁহাই ।
বৰপেটাত উপস্থিত হৈ প্ৰথমে পোনে পোনে বৰপেটা সত্ৰত আশিস লয় লাভলীনা বৰগোঁহাইয়ে।
উল্লেখ্য যে, দেওবাৰৰ পৰা বৰপেটাত অনুষ্ঠিত হবলগীয়া বক্সিং প্ৰতিযোগিতা উপলক্ষে সত্ৰনগৰী বৰপেটাত আহি উপস্থিত হৈছে লাভলীনা বৰগোঁহাই ।
লগতে পঢ়ক: ১০০ খন নতুন সৈনিক স্কুল স্থাপন হ’ব দেশত; ঘোষণা প্ৰতিৰক্ষা মন্ত্ৰী ৰাজনাথ সিঙৰ
বৰপেটাৰ ক্লাব ৰাইনোত অনুষ্ঠিত ৰাজহুৱা সম্বৰ্ধনা অনুষ্ঠানত বৰপেটাৰ অভিভাৱক মন্ত্ৰী ৰণজিৎ কুমাৰ দাসে অলিম্পিয়ান লাভলীনা বৰগোঁহাইকউষ্ম আদৰণি জনায়।
ইয়াৰ পিছতে জিলা প্ৰশাসন, ক্লাব ৰাইনো, বৰপেটা প্ৰেছ ক্লাব, বৰপেটা ছাত্ৰ সন্থাকে আদি কৰি ৫০ টা দল-সংগঠন, সামাজিক অনুষ্ঠান- প্ৰতিষ্ঠানে বিশেষভাবে সম্বৰ্ধনা জনায় অসম কন্যা গৰাকীক।
