মণিপুৰত দ্বিতীয় বিশ্বযুদ্ধৰ সময়ত অব্যৱহৃত বোমা উদ্ধাৰ
মণিপুৰত দ্বিতীয় বিশ্বযুদ্ধৰ সময়ত ব্যৱসাৰ নোহোৱা ৪৩ টা খালী বাকচ উদ্ধাৰ হৈছে।
মণিপুৰৰ মোৰেহত দ্বিতীয় বিশ্বযুদ্ধৰ সময়ত ব্যৱহাৰ হোৱা বিস্ফোৰক সামাগ্ৰী সমূহ উদ্ধাৰ কৰা হৈছে বুলি এ এছ পি চাংগবোই গাংটে কয়।
”উদ্ধাৰ হোৱা সামগ্ৰী সমূহ দ্বিতীয় বিশ্বযুদ্ধৰ সময়ৰ বুলি ভবা হৈছে আৰু সামগ্ৰীখিনি সতৰ্কতাৰে উদ্ধাৰ কৰা হৈছে,” গাংটে লগতে কয়।
দ্বিতীয় বিশ্বযুদ্ধৰ সময়ত ব্যৱহাৰ হোৱা সামগ্ৰীখিনি এটা আবাসিক অঞ্চলত মাটি খন্দাৰ সময়ত উদ্ধাৰ হয় বুলি জানিব পৰা গৈছে।
উল্লেখযোগ্য যে, দ্বিতীয় বিশ্বযুদ্ধৰ সময়ত মণিপুৰ হৈ জাপানী সৈন্যই ভাৰতত প্ৰৱেশৰ চেষ্টা কৰিছিল।
ইংৰাজৰ সন্মিলিত বাহিনীয়ে জাপানী বাহিনীক পৰাস্ত কৰি পুনৰ উভতি যাবলৈ বাধ্য কৰিছিল।
১৬ জুলাইত অসমৰ চুবুৰীয়া ৰাজ্য মেঘালয়তো প্ৰথম বিশ্ব যুদ্ধৰ বীৰ নায়ক সকলক স্মৰণ কৰা হয়।
মেঘালয়ৰ গাৰো জোৱান সকলে ফ্ৰাঞ্চলৈ গৈ প্ৰথম বিশ্বযুদ্ধৰ সময়ত সন্মিলিত বাহিনীৰ হৈ যুদ্ধত যোগদান কৰিছিল।