চাহিনবাগৰ ‘কা’ বিৰোধী প্ৰতিবাদস্থলীত ভাষণৰ মাজতে অসমক ভাৰতৰ পৰা বিছিন্ন কৰি দিব লাগে মন্তব্য কৰি বিতৰ্কত সোমাই পৰা JNUৰ প্ৰাক্তন ছাত্ৰ চাৰ্জিল ইমামক আজি বিহাৰত গ্ৰেপ্তাৰ কৰা হয়।
ইমামৰ ভিডিঅ’টো ভাইৰেল হৈ পৰাৰ পিছৰে পৰা যোৱা ৪-৫ দিন ধৰি দিল্লী আৰক্ষীয়ে তেওঁক গ্ৰেপ্তাৰ কৰাৰ বাবে অভিযান চলাই আছিল আৰু আজি বিহাৰৰ জাহানাবাদত তেওঁক গ্ৰেপ্তাৰ।
অৱশ্যে ইমামে আৰক্ষীৰ ওচৰত তেওঁ আত্মসমৰ্পন কৰা বুলি কয়। আজি ‘আবেলি ৩ বজাত দিল্লী আৰক্ষীৰ ওচৰত মই আত্মসমৰ্পন কৰোঁ’ বুলি চাৰ্জিলে টুইট কৰে।
I have surrendered to the Delhi Police on 28 1 2020 at 3 PM. I am ready and willing to to operate with the investigation. I have full faith in due process of law. My safety and security are now in the hand of Delhi Police.
Let peace prevail. pic.twitter.com/fTKeWY5hb8— Sharjeel Imam (@_imaams) January 28, 2020
উল্লেখযোগ্য যে চাহিনবাগৰ প্ৰতিবাদস্থলীত ভাষণ দি থাকোতে চাৰ্জিলে ‘অসমক ভাৰতৰ পৰা বিছিন্ন কৰি দিয়াটো আমাৰ দ্বায়িত্ব। এইয়া হ’লেহে চৰকাৰে আমাৰ কথা শুনিব’ বুলি এক মন্তব্য কৰিছিল।
ইয়াৰ পূৰ্বেও দিল্লীৰ জামিয়া মিলিয়া ইছলামীয়াৰ কেম্পাছত ‘উচটনিমূলক’ মন্তব্য কৰাৰ বাবে তেওঁৰ বিৰুদ্ধে এজাহাৰ দাখিল কৰা হৈছিল বুলি দিল্লী আৰক্ষীয়ে কয়।
উক্ত ‘বিতৰ্কিত’ মন্তব্যৰ বাবে চাৰ্জিল ইমামৰ বিৰুদ্ধে ইতিমধ্যে অসম, মণিপুৰ আৰু অৰুণাচল প্ৰদেশ আৰক্ষীয়েও নিজাববীয়াকৈ গোচৰ ৰুজু কৰিছিল।