জুবিন গাৰ্গৰ মৃত্যুৰ পিছতেই ছিংগাপুৰৰ পৰা অন্তৰ্ধান হৈছে নৰ্থ-ইষ্ট ফেষ্টিভেলৰ আয়োজক শ্যামকানু মহন্ত।
যোৱা ১৭ ছেপ্তেম্বৰ তাৰিখে নৰ্থ-ইষ্ট ফেষ্টিভেলৰ বাবে ছিংগাপুৰলৈ জুবিন গাৰ্গক আমন্ত্ৰণ কৰি নিছিল শ্যামকানু মহন্তই।
কিন্তু ১৯ ছেপ্তেম্বৰৰ দিনা দুৰ্ঘটনাত মৃত্যু হয় জুবিন গাৰ্গৰ। জুবিন গাৰ্গৰ মৃত্যুৰ বাবে শ্যামকানু্ মহন্তক অভিযুক্ত কৰি থানাই থানাই এজাহাৰ দাখিল কৰে জুবিন অনুৰাগী সকলে। ইয়াৰ পিছৰ পৰাই পলাতক শ্যামকানু মহন্ত।
ইফালে, ছিংগাপুৰত নৰ্থ-ইষ্ট ফেষ্টিভেল বাতিল হোৱাৰ পিছত অসমলৈ ঘূৰি আহিব পৰা নাই নৰ্থ-ইষ্ট ফেষ্টিভেলৰ কেইবাজনো আয়োজন আৰু কৰ্মী।
তেওঁলোকক শ্যামকানু মহন্তই বিমানৰ টিকট কাটি লৈ গৈছিল যদিও ঘূৰি অহাৰ টিকত দিয়া হোৱা নাছিল তেওঁলোকক। যাৰ ফলত তেওঁলোক এতিয়া অসমলৈ ঘূৰি আহিব পৰা নাই। জানিব পৰা মতে, নিজে টিকট কৰি অসমলৈ আহিবলৈও হাতত ধন নাই সেই সাধাৰণ আয়োজক-কৰ্মী সকলৰ। যাৰ বাবে এতিয়া ছিংগাপুৰৰ হোটেলতেই অনিশ্চয়তাত দিন কটাইছে তেওঁলোকে। বাৰে বাৰে ফোন কৰিও ফোনত পোৱা নাই শ্যামকানু মহন্তক।
