অধিকাৰ সন্দৰ্ভত কংগ্ৰেছ নেতা ৰাহুল গান্ধীৰ বিতৰ্কিত মন্তব্যক লৈ বুধবাৰে দিল্লীত কংগ্ৰেছ নেতা ৰাহুল গান্ধীৰ ঘৰৰ সন্মুখত প্ৰতিবাদ সাব্যস্ত কৰে শিখ সংগঠনে। বিজেপি নেতৃত্বাধীন শিখ সংগঠনৰ কৰ্মী-সমৰ্থকে বিৰোধী দলপতি ৰাহুল গান্ধীৰ পৰা বিনাচৰ্ত ক্ষমা বিচাৰি ব্যাপক প্ৰতিবাদ সাব্যস্ত কৰে। বিজেপিৰ শিখ সংগঠন শিখ চেলৰ সদস্যসকলে ৰাহুল-ছোনিয়া গান্ধীৰ ঘৰৰ সন্মুখত সমবেত হৈ প্ৰতিবাদ কৰিবলৈ আৰম্ভ কৰে। আৰক্ষীয়ে বেৰিকেড দি বাধা দিয়ে যদিও প্ৰতিবাদকাৰীৰ মাজত আৰক্ষীৰ সৈতে সংঘৰ্ষ হয়।
বিজেপি নেতা আৰ পি সিংকে ধৰি কেইবাজনো শিখ নেতাক আৰক্ষীয়ে আইন ভংগ কৰাৰ অপৰাধত গ্ৰেপ্তাৰ কৰে। আৰ পি সিঙে কয় যে ৰাহুল গান্ধীয়ে ক্ষমা খুজিব লাগে। তেওঁ সদায় বিদেশী মাটি ব্যৱহাৰ কৰি ভাৰতক লৈ কটূ মন্তব্য দিয়ে। তেওঁ মিছা কথা কৈছিল যে ভাৰতত শিখসকলক পাগুৰি বা কাৰা পৰিধান কৰিবলৈ দিয়া নহ’ব।
মহিলাসহ প্ৰতিবাদকাৰীসকলে শ্লোগান দি প্লেকাৰ্ড লৈ ১০ জনপথৰ দিশে পদযাত্ৰা কৰে। প্ৰসংগক্ৰমে নিষিদ্ধ খালিস্তান উগ্ৰপন্থী সংগঠন ছিখছ ফৰ জাষ্টিছৰ সহ-প্ৰতিষ্ঠাপক গুৰপতৱন্ত সিং পান্নুনে কংগ্ৰেছৰ সাংসদ তথা বিৰোধী দলপতি ৰাহুল গান্ধীয়ে শিখসকলৰ ধৰ্মীয় স্বাধীনতাক লৈ কৰা মন্তব্যক প্ৰশংসা কৰে। বিজেপি সমৰ্থক শিখ নেতাসকলৰ মাজতো ক্ষোভৰ সৃষ্টি হৈছে। এইগৰাকী খালিস্তান সমৰ্থক নেতাই এক বিবৃতিত কয় যে ভাৰতত শিখসকলৰ অস্তিত্বৰ সংকট সম্পৰ্কে ৰাহুলে দিয়া বক্তব্য কেৱল কঠিন সত্যই নহয়, স্বাধীনতাৰ পিছৰে পৰা ভাৰতত শিখসকলৰ বিৰুদ্ধে চলি অহা অন্যায়ৰ বাস্তৱসন্মত ছবিও। আমি ভাৰতত শিখসকলৰ স্বাধীনতাও বিচাৰো, শিখসকলৰ বাবে পৃথক ৰাজ্য।
কেন্দ্ৰীয় মন্ত্ৰী হৰদীপ সিং পুৰীয়ে ৰাহুলক গৰিহণা দি কয় যে তেওঁৰ কথা খালিস্তানী উগ্ৰপন্থী পান্নুনৰ দাবীৰ সৈতে মিল আছে। পান্নুনক লগ পাইছে নে নাই, পুৰীয়ে সুধিলে। বিজেপিৰ মুখপাত্ৰ শ্বেহজাদ পুনাৱালাইও কয় যে কংগ্ৰেছে পুনৰ উগ্ৰপন্থীৰ সৈতে হাত মিলাইছে। পাগুৰি সন্দৰ্ভত তেওঁৰ মন্তব্য দেশৰ শিখসকলৰ মাজত অশান্তি বিয়পাইছে। কিন্তু বিদেশত আত্মগোপন কৰি থকা বিচ্ছিন্নতাবাদী উগ্ৰপন্থী সংগঠনবোৰ সুবিধা হৈ পৰিছে। ৰাহুল গান্ধীৰ বক্তব্যক সমৰ্থন জনাইছে।
