আজি কিছু দিনৰ পৰা উত্তৰ-পূবৰ বিভিন্ন ঠাইত আৰক্ষীয়ে অভিযান চলাই ড্ৰাগচ সৰবৰাহকাৰী তথা বহু পৰিমাণৰ ড্ৰাগচ উদ্ধাৰ কৰাৰ সময়তে শিলচৰত নিচাজাতীয় টেবলেট জব্দ কৰা বুলি জানিব পৰা গৈছে।
গোপন সূত্ৰৰ পৰা লাভ কৰা তথ্যৰ ভিত্তিত উপ আৰক্ষী অধীক্ষক ঐশ্বৰ্য জীৱন বৰুৱাৰ নেতৃত্বত চলা অভিযানত শিলচৰৰ কাশীপুৰৰ ওচৰৰ শিলচৰ-ইম্ফল ৰাষ্ট্ৰীয় পথত এখন এল্ট’ গাড়ীৰ পৰা জব্দ কৰা হয়।
জব্দ কৰিবলৈ সক্ষম হোৱা প্ৰায় ৬০ লাখ টকাৰ মূল্যৰ ৬৭ পেকেট নিচাজাতীয় টেবলেটখিনি ম্যানমাৰত প্ৰস্তুত কৰা বুলি জানিবলৈ দিয়ে।
ইফালে টেবলেটখিনিৰ সৈতে পাঁচজন ড্ৰাগছ সৰবৰাহকাৰীকো আটক কৰে আৰক্ষীয়ে। ধৃত লোক কেইজন ক্ৰমে মিনাজ আহমেদ (জিৰিঘাট বজাৰ), সমীৰ ৰয় (জিৰিবাম লাঠিঘাট), ভূষন চৌধুৰী (জিৰিঘাট কালীবাৰী ৰোড), আনচাৰুল হক (জিৰিঘাট মাখন নগৰ) আৰু বুদ্ধি সিং (জিৰিবাম কালীনগৰ)৷
বাংলাদেশল্য ৰপ্তানী কৰাৰ উদ্দেশ্যে এই টেবলেটখিনি ম্যানমাৰৰ পৰা মণিপুৰ হৈ শিলচৰলৈ আনিছিল বুলি আৰক্ষীয়ে সদৰী কৰে।