ৰাজ্যিক পৰ্যায়ৰ আৰক্ষী নিযুক্তি বোৰ্ডে (SLPRB) সোমবাৰে অসম চৰকাৰৰ অধীনৰ বিদেশী ন্যায়াধীকৰণৰ বিভিন্ন ঠিকা ভিত্তিক পদৰ বাবে মুকলি কৰি দিয়া পদ সমূহৰ পৰীক্ষাৰ বাবে এডমিট কাৰ্ড মুকলি কৰি দিছে।
অহা দেওবাৰে অসম আৰক্ষীৰ বিদেশী ন্যায়াধীকৰণৰ অন্তৰ্গত বিভিন্ন গ্ৰেড থ্ৰি পদৰ বাবে লিখিত পৰীক্ষা অনুষ্ঠিত হ’ব।
লিখিত পৰীক্ষা ৰাতিপুৱা আৰু আবেলি দুটা অংশত অনুষ্ঠিত হ’ব।
ডাটা অপাৰেটৰ আৰু কপিষ্টৰ পদৰ বাবে ৰাতিপুৱা লিখিত পৰীক্ষা অনুষ্ঠিত হ’ব।
আনহাতে, উচ্চ বৰ্গৰ সহায়কাৰী, ষ্টেনোগ্ৰাফাৰ গ্ৰেড-৩, নিম্ন বৰ্গৰ সহায়ক, বেঞ্চ সহায়কাৰী আৰু টাইপিষ্ট পদৰ বাবে আবেলি লিখিত পৰীক্ষা অনুষ্ঠিত হ’ব।
আবেদনকাৰীসকলে লিখিত পৰীক্ষাৰ বাবে প্ৰৱেশ পত্ৰ police.assam.gov.in আৰু slprbassam.in ৰ পৰা দাউনলোড কৰিব পাৰিব।
ৰাতিপুৱা আৰু আবেলি অনুষ্ঠিত হ’বলগীয়া লিখিত পৰীক্ষাৰ বাবে পৃথকে পৃথকে প্ৰৱেশ পত্ৰ মুকলি কৰি দিয়া হয়।
প্ৰবেশ পত্ৰ দাউনলোড কৰাৰ ক্ষেত্ৰত কোনোধৰণৰ অসুবিধাৰ সন্মুখিন হ’লে প্ৰাৰ্থীসকলে ৯৪৫৫৮৭৪৫০৩, ৯৪৫৫৮৭৪৫০৬ আৰু ৯৪৫৫৮৭৪৫১৯ হেল্পলাইন নম্বৰত যোগাযোগ কৰিব পাৰিব অন্যথা [email protected] ত যোগাযোগ কৰিব পাৰিব।
