ভয়াৱহ বানপানীৰ কবলত পৰিছে অষ্ট্ৰেলিয়া।
এতিয়ালৈকে দেশখনৰ নিউ চাউথ ৱেলছ প্ৰদেশৰ পৰা বানপানীৰ পৰা ১৮,০০০ লোকক স্থানান্তৰ কৰা হৈছে।
বানপানীৰ বাবে প্ৰায় ১৫০ খন বিদ্যালয় বন্ধ কৰি দিয়া হৈছে।
বৰষুণৰ ফলতে প্ৰদেশখনৰ ৰাজধানী ছিডনীকে ধৰি দেশখনৰ প্ৰাণকেন্দ্ৰসমূহ পানীত ডুব গৈছে।
বৰষুণৰ ফলত ছিডনীৰ কাষৰ হ’কছবাৰী আৰু নেপিয়ান নদী আৰু নদীবান্ধসমূহৰ ওপৰেৰে পানী বাগৰিব ধৰে।
বানপীড়িতসকলক উদ্ধাৰ কৰিবৰ বাবে চৰকাৰে সৈন্যবাহিনী নিয়োগ কৰিছে।
বতৰবিজ্ঞানীসকলে মঙলবাৰে পূৰ্বানুমান কৰিছিল যে বৰষুণ, বতাহ, সমূদ্ৰ তৰংগ, ঢৌৱে প্ৰদেশখনক প্লাৱিত কৰিব।
দেশখনৰ পূব প্ৰান্তৰৰ প্ৰায় ১০ মিলিয়ন লোকক বতৰবিজ্ঞানীসকলে সাৱধানবাণী প্ৰেৰণ কৰিছে।
এতিয়ালৈকে কোনো লোক বানপানীত প্ৰাণহানী হোৱা নাই, যিটো দেশখনৰ লোকসকলে ”যাদুকৰী” বুলি অভিহিত কৰিছে।
উল্লেখযোগ্য ১৯৬১ চনৰ পৰা অষ্ট্ৰেলিয়া ভয়াৱহ বানৰ কবলত পৰা নাছিল।
প্ৰায় ৫০ বছৰৰ পাছত অষ্ট্ৰেলিয়াক ভয়াৱহ বানে চুই গৈছে।
দেশখনৰ প্ৰধানমন্ত্ৰী স্কট মৰিছনে স্থানান্তৰিত লোকসকলৰ ক্ষতিপূৰণৰ বাবে পুঁজি আবণ্টনৰ আশ্বাস দিছে।
