বিগত কিছুদিন ধৰি দেশত চৰ্চা লাভ কৰি থকা এটা বিষয় আছিল অভিনেত্ৰী কেটৰিনা কাঈফৰ বিয়াৰ খবৰ।
কেটৰিনাৰ বিয়া হৈ গ’ল।
তথাপি চৰ্চাৰ গৰম বতাহ এতিয়াও বলিয়েই আছে বলীউডত। এইবাৰ চৰ্চাৰ বিষয় সোনাক্ষী সিনহা ।
বলীউডৰ মোহময়ী অভিনেত্ৰী গৰাকীৰ প্ৰেমকলৈ এতিয়া চলিছে সৰস আলোচনা।
সোণাক্ষীয়ে তেওঁৰ প্ৰেমৰ কথা পোণপটীয়াকৈ প্ৰকাশ কৰা নাই যদিও শেহতীয়াকৈ এটা ইনষ্টাগ্ৰাম পোষ্টকলৈ বহুতে তেওঁ যে কাৰোৱাৰ প্ৰেমত পৰিছে সেই কথাত একপ্ৰকাৰ নিশ্চিত হৈছে।
সোনাক্ষীৰ সৈতে অভিনেতা জাহিৰ ইকবালৰ হলিগলিৰ কথা বলীউডত বহু দিনৰে পৰা চৰ্চাত আছিল।
শেহতীয়াকৈ অভিনেতা জাহিৰ ইকবালৰ জন্মদিনত সোনাক্ষীয়ে অভিনেতাজনক জন্মদিনৰ শুভেচ্ছা জনাই ইনষ্টাগ্ৰামত দিয়া পোষ্ট এটাৰ পৰা সোনাক্ষীয়ে যে ইকবালৰ প্ৰেমত মচগুল সেয়া বহুতে ধাৰণা কৰি লৈছে
জাহিৰ ইকবালৰ সৈতে উঠা এখন ছবিৰ সৈতে সোনাক্ষীয়ে লিখিছে—’ পৃথিৱীত যি জন মানুহে মোক আটাইতকৈ বেছি যন্ত্ৰণা দিব পাৰে সেই মানুহ জনক জন্মদিনৰ শুভেচ্ছা জনাইছো। এই মানুহ জনতকৈ সুন্দৰ আন কোনোৱা থাকিব পাৰে জানো? এই পৃথিৱীলৈ অহাৰ বাবে ধন্যবাদ। জন্মদিনৰ শুভেচ্ছা জনালো’।
সোনাক্ষীৰ এই ইনষ্টাগ্ৰাম পোষ্টটোতেই বহুতে প্ৰেমৰ গোন্ধ পাইছে।
এয়া নিতান্তই বন্ধুত্ব নে প্ৰেম তাকে লৈ বহুতে আৰম্ভ কৰি দিছে গৱেষণা। অহা বছৰত মুক্তি পাব সোনাক্ষী-জাহিৰে অভিনয় কৰা ‘ডাবল এক্স এল’ নামৰ ছবি খনে।
গুঞ্জন উঠা মতে ছবি খনৰ শ্বুটিঙৰ সময়তে দুয়ো দুয়োৰে অধিক কাষ চাপি গৈছে। অৱশ্যে এনেবোৰ গুঞ্জন কিমান সঁচা হয় সেয়া সময়তহে স্পষ্ট হ’ব।
