উত্তৰ লখিমপুৰ চহৰত যোৱা ২৪ ঘণ্টাত ৫৭গৰাকী ক’ভিড পজিটিভ ব্যক্তি চিনাক্ত হোৱাত আতংকৰ সৃষ্টি হৈছে।
চহৰৰ কাষৰীয়া গড়েহগাত ২ জুলাইত অনুষ্ঠিত দুখন বিয়াৰ পৰা এই সংক্ৰমণ বিয়পাৰ আশংকা কৰা হৈছে।
লখিমপুৰ জিলা উপায়ুক্ত জীৱন বিয়ে বিষয়টোৰ দণ্ডাধীশ পৰ্য্যায়ৰ তদন্তৰ নিৰ্দেশ দিছে।
খবৰমতে, স্থানীয় প্ৰশাসনৰ অনুমতি নোলোৱাকৈ বিয়া দুখন অনুষ্ঠিত কৰা হৈছিল।
জানিব পৰা মতে কেইবাশও লোকে দুয়োখন বিয়াত ভাগ লৈছিল।
জানিব পৰা মতে বিয়াত গুৱাহাটী, যোৰহাট আৰু শিৱসাগৰৰ পৰা অহা লোকে অংশগ্ৰহণ কৰিছিল।
এবছৰীয়া শিশুৰ পৰা বৃদ্ধলৈকে লোকে বিয়াত ভাগ লৈছিল।
