নৱ প্ৰজন্মক মহাপুৰুষজনাৰ অনবদ্য সৃষ্টি ভাওনাৰ প্ৰতি আকৰ্ষিত কৰাৰ লগতে আধ্যাত্মিক দিশৰ প্ৰতি যাতে যুৱচাম আকৰ্ষিত হয় তাৰ বাবে ১৯৯৪ চনৰ পৰাই নিৰলস শ্ৰম কৰি অহা যোৰহাট জিলাৰ টীয়ক ৰজাবাৰীৰ সংস্কৃতিৰ সাধক কৃষ্ণপদ কলিতালৈ অসম চৰকাৰে স্বীকৃতি আগবঢ়াইছে ।
ৰাজ্য চৰকাৰে ৭৪ সংখ্যক স্বাধীনতা দিৱসত শিল্পীৰ চৰকাৰী স্বীকৃতিৰ তালিকাত নাম অন্তৰ্ভুক্ত কৰে টীয়কৰ কৃষ্ণপদ কলিতাৰ নাম।
কলিতাই অসম চৰকাৰৰ পৰা আগবঢ়োৱা শিল্পীৰএককালীন সাহায্য লাভ কৰে।
ভাওনা সংস্কৃতিৰ এইগৰাকী সাধকক তেওঁৰ এই জীৱন জোৰা সাধনাৰ বাবে পোৱা স্বীকৃতিৰ বাবে টীয়কৰ প্ৰতিজন ব্যক্তি তথা অনুষ্ঠানৰ লগতে টীয়ক প্ৰেছ ক্লাৱৰ তৰফৰ পৰা শুভেচ্ছা জ্ঞাপন কৰা হৈছে।
সাংবাদিকৰ সৈতে হোৱা বাৰ্তালাপত তেওঁ কয় যে এই স্বীকৃতিয়ে অনাগত দিনত নতুন নতুন কাম কৰি যাবলৈ তেওঁক অধিক উৎসাহিত কৰিব।
ল’কডাউনৰ ফলত বাৰুকৈ ক্ষতিগ্ৰস্ত ভাওনা নাটক আদিৰ লগত জড়িত শিল্পীসকলৰ যি আৰ্থিক দৈন্যতাই দেখা দিছে তাত হতাশ নহৈ নিজৰ দৃঢ় প্ৰতিভাৰে সংস্কৃতিৰ পথাৰখনত আগবাঢ়ি গুৰুজনাৰ অমৰ সৃষ্টিৰাজিক অসমৰ লোকসংকৃতিক বিশ্ব দৰবাৰত প্ৰতিষ্ঠা কৰিবলৈ চেষ্টা অব্যাহত ৰাখিবলৈও আহ্বান জনাই কৃষ্ণপদ কলিতাই।
