ছিডনী টেষ্টত ভাৰতৰ দুৰ্দান্ত বেটিঙত হতাশ হৈ অসৎ পন্থা অৱলম্বন কৰি ধৰা পৰিল টীম অষ্ট্ৰেলিয়াৰ অধিনায়ক স্টিভ স্মিথ।
ভাৰতীয় বেটছমেন ঋষভ পন্টৰ গাৰ্ডৰ স্থান নষ্ট কৰাৰ বাবে পপিং ক্ৰীজত জোতাৰে ঘৰ্ষণ কৰি থকা দেখা যায় অষ্ট্ৰেলিয়াৰ খেলুৱৈক। ষ্টাম্প কেমেৰাত ধৰা পৰে সেই দৃশ্য।
সোমবাৰে ছিডনীত প্ৰবল চাপত থকা টীম ইণ্ডিয়াক তুলি ধৰি বিস্ফোৰক ৰূপ গ্ৰহণ কৰে ঋষভ পন্টে। ফলত বিপাঙত পৰে অষ্ট্ৰেলিয়া।
ইয়াৰ মাজতে বিৰতিৰ সময়ত বিতৰ্কিত ঘটনাতো ঘটে। ষ্টাম্প কেমেৰাত ধৰা পৰা এটা ভিডিঅ’ত দেখা যায় যে পপিং ক্ৰীজত য’ত বেটছমেনসকল থিয় হয় তাত স্মিথ আহি কিছু সময় থিয় দি থাকে।
After drinks break Aussie comes to shadow bat and scuffs out the batsmen's guard marks.
Rishabh Pant then returns and has to take guard again.#AUSvIND #AUSvsIND #AUSvINDtest pic.twitter.com/aDkcGKgUJC
— James Buttler | Cricket Badger Podcast 🏏🦡🇺🇦 (@cricket_badger) January 11, 2021
ইয়াৰ পাছতে চাৰিওফালে ঘুৰি পন্টৰ গাৰ্ডৰ স্থানত স্পাইক জোতাৰে ঘহি থাকে যাতে পন্টৰ গাৰ্ড উঠি যায়। কেইবাবাৰো জোতাৰে ঘৰ্ষণ কৰি স্মিথ তাৰ পৰা আঁতৰি যায়। তাৰ পাছত পন্টে নতুনকৈ গাৰ্ড ল’বহগীয়া হয়।
ভাইৰেল হৈ পৰা ভিডিঅ’ দেখি ক্ষুব্ধ হৈ পৰিছে ক্ৰিকেট অনুৰাগীসকল। বহুতেই এয়া অষ্ট্ৰেলিয়াৰ অধিনায়কগৰাকীৰ অখেলুৱৈসুলভ আচৰণ বুলি সমালোচনা কৰিছে।
