কৃষি সংশোধনী আইনৰ বাবে উচ্চতম ন্যায়ালয়ে নিযুক্ত কৰা তিনিজনীয়া সমিতিখনে আদালতত বিতৰ্কিত আইনখনৰ বিষয়ে প্ৰতিবেদন দাখিল কৰিছে।
প্ৰতিবেদনখনক সমিতিখনে কয় যে প্ৰায় ৮৫টা কৃষক সংগঠনৰ স’তে বিষয়টো সন্দৰ্ভত পৰামৰ্শ লোৱা হৈছে।
এই কৃষক সংগঠনকেইটাই দিল্লীত যোৱা ৪ মাহ ধৰি কৃষি সংশোধনী আইনৰ বিৰু্দ্ধে প্ৰতিবাদ কৰি আছে।
আদালতত প্ৰতিবেদনখন যোৱা সপ্তাহত দাখিল কৰা হৈছিল।
কৃষক নেতা সীমা নাৰৱানেই কয় যে প্ৰতিবেদনখন উচ্চতম ন্যায়ালয়ত ১৯ মাৰ্চত দাখিল কৰা হৈছিল।
অৱশ্যে প্ৰতিবেদনখনত উল্লেখিত বিষয় আৰু উপাদানসমূহ ৰাজহুৱা কৰিবলৈ এতিয়াও বাকী আছে।
যোৱা মাহত, উচ্চতম ন্যায়ালয়ে নিযুক্ত কৰা সমিতিখনে কৈছিল যে তেওঁলোকে পঞ্জাৱ, মহাৰাষ্ট্ৰ, কেৰালা, দিল্লী, কৰ্ণাটককে ধৰি দেশৰ ১৮ খন ৰাজ্যৰ স’তে আলোচনাত মিলিত হৈছিল।
উচ্চতম ন্যায়ালয়ে গঠন কৰা সমিতিখনত আছিল তিনিজন কৃষি বিশেষজ্ঞ আৰু কৃষক নেতা।
তেওঁলোক হৈছে- অনিল ধানৱাট, অশোক গোলাটি আৰু প্ৰমোদ যোশী।
আনহাতে, কৃষক সংগঠনসমূহে সমিতিখনৰ সংবিধানখনক লৈ বিৰোধিতা প্ৰকাশ কৰিছিল আৰু তেওঁলোকে কৃষি সংশোধনী আইন তিনিখন সম্পূৰ্ণৰূপে উঠাই লোৱাৰ দাবীত অটল আছিল।
কেন্দ্ৰ চৰকাৰ আৰু প্ৰতিবাদী কৃষকসকলৰ মাজত কেইবাবাৰো আলোচনা চলি আহিছে যদিও বিষয়টোৰ সমাধান হোৱা নাই।