তামিলনাডুৰ এগৰাকী স্কুল শিক্ষয়িত্ৰীয়ে তৃতীয় সন্তান জন্ম দিয়াৰ পাছত ৰাজ্য চৰকাৰৰ ওচৰত প্ৰসূতিকালীন ছুটীৰ বাবে আবেদন জনাইছিল। কিন্তু তামিলনাডু চৰকাৰী কৰ্মচাৰীয়ে দুটাতকৈ অধিক সন্তানৰ বাবে এই ছুটী লাভ নকৰে।
শেহতীয়া কৈ উচ্চতম ন্যায়ালয়ে বাতিল কৰিলে মাদ্ৰাজ উচ্চ ন্যায়ালয়ৰ এক সিদ্ধান্ত। ন্যায়াধীশ অভয় এছ ওকা আৰু উজ্জ্বল ভুৱনৰ বিচাৰপীঠে কয় যে প্ৰসূতিকালীন ছুটী মহিলাসকলৰ প্ৰসূতিকালীন সুবিধাৰ অবিচ্ছেদ্য অংগ। উচ্চতম ন্যায়ালয়ে লগতে সোঁৱৰাই দিয়ে যে আন্তঃৰাষ্ট্ৰীয় মানৱ অধিকাৰ আইনত সন্তান জন্ম দিয়াৰ অধিকাৰ স্বীকৃতি দিয়া হৈছে।
তামিলনাডুৰ এগৰাকী স্কুল শিক্ষয়িত্ৰীয়ে তৃতীয় সন্তান জন্ম দিয়াৰ পাছত ৰাজ্য চৰকাৰত প্ৰসূতিকালীন ছুটীৰ বাবে আবেদন জনাইছিল। কিন্তু তামিলনাডু চৰকাৰী কৰ্মচাৰীয়ে দুইতকৈ অধিক শিশুৰ বাবে এই ছুটী নাপায়। জন্মৰ হাৰ নিয়ন্ত্ৰণৰ বাবে ৰাজ্য চৰকাৰে এই নিয়ম কাৰ্যকৰী কৰিছিল। ছুটী বিচাৰি মাদ্ৰাজ উচ্চ ন্যায়ালয়ৰ কাষ চাপিছিল শিক্ষয়িত্ৰীগৰাকীয়ে। কিন্তু তাতো তেওঁৰ আবেদন নাকচ কৰা হৈছিল।
জানইব পৰা মতে ২০০৬ চনত বিবাহপাশত আবদ্ধ হোৱা শিক্ষয়িত্ৰীগৰাকীয়ে ২০১৭ চনত বিবাহ বিচ্চেদ। ২০১৮ চনত পুনৰ বিবাহপাশত আবদ্ধ হয়।প্ৰথম বিবাহৰ পৰাই তেওঁৰ দুটা সন্তান আছে। আৰু দ্বিতীয় বিয়াৰ পিছত আন এটা সন্তান জন্ম দিয়ে। শিক্ষয়িত্ৰীগৰাকীক প্ৰসূতিকালীন ছুটী পুনৰ প্ৰদানৰ নিৰ্দেশ দিওঁতে বিচাৰপীঠে কয় যে, “এইটো সঁচা যে তেওঁ প্ৰথম বিবাহৰ পৰাই দুটা সন্তানৰ মাতৃ। কিন্তু কৰ্মক্ষেত্ৰত প্ৰৱেশ কৰি পুনৰ বিবাহৰ পিছত এইটো তেওঁৰ প্ৰথম সন্তান।” এই গোচৰত উচ্চতম ন্যায়ালয়ে ৰায় দিয়ে যে এগৰাকী বিদ্যালয়ৰ শিক্ষয়িত্ৰী তেওঁৰ শাৰীৰিক অধিকাৰ, গোপনীয়তা, সমতা আৰু বৈষম্যৰ বিৰুদ্ধে অধিকাৰ অনুসৰি প্ৰসূতিকালীন ছুটীৰ বাবে যোগ্য হ’ব।
