উচ্চতম ন্যায়ালয়ে মঙলবাৰে অসমত এন আৰ চি প্ৰক্ৰিয়া পুনৰ মুকলি তথা পুনৰীক্ষণৰ বাবে চৰকাৰে জনোৱা দাবী প্ৰত্যাখ্যান কৰিছে।
ন্যায়ালয়ে লগতে কয় যে এন আৰ চিৰ সৈতে জড়িত ‘ডাটা’ৰ সুৰক্ষাৰ দিশটো আধাৰৰ দৰে একে ধৰণৰ হ’ব।
আনহাতে, ১৯৭১ চনৰ পৰা ১৯৮৭ চনৰ ভিতৰত ভাৰতত জন্মগ্ৰহণ কৰা লোকসকলৰ মৰ্যাদা সম্পৰ্কে নাগৰিকত্ব আইনৰ ব্যৱস্থাৰ আধাৰত উচ্চতম ন্যায়ালয়ৰ সাংবিধানিক বিচাৰপীঠে গ্ৰহণ কৰা চূড়ান্ত ৰায়ৰ ওপৰত নিৰ্ভৰ কৰি সিদ্ধান্ত গ্ৰহণ কৰা হ’ব।
উচ্চতম ন্যায়ালয়ে নিৰ্দেশ দিয়ে যে চূড়ান্ত এন আৰ চিৰ পৰা বাদ পৰা সকলৰ তালিকা আগষ্টৰ ৩১ তাৰিখে কেৱল অনলাইনতহে প্ৰকাশ কৰিব পাৰিব।
‘’কেৱল অন্তৰ্ভুক্ত হোৱা আৰু বাদ পৰাসকলৰ তালিকাৰ ছপা প্ৰতিলিপিহে জিলা কাৰ্যালয়ত জমা দিব। ৰায়ৰ ৬৬ এ ধাৰাত থকা আইন অনুসৰি এন আৰ চি উন্নীতকৰণ হ’ব,’’-মুখ্য ন্যায়াধীশ ৰঞ্জন গগৈৰ নেতৃত্বৰ উচ্চতম ন্যায়ালয়ৰ বিচাৰপীঠখনে এইদৰে কয়।
ইয়াৰ পূৰ্বে জুলাইত উচ্চতম ন্যায়ালয়ে এন আৰ চি প্ৰকাশৰ বাবে ৩১ জুলাইৰ অন্তিম সময়সীমা বৃদ্ধি কৰি ৩১ আগষ্ট কৰিছিল।
এন আৰ চিৰ ৰাজ্যিক সমন্বয়কে প্ৰকাশিত খচৰা এন আৰ চি আৰু নতুন নামৰ তালিকা (বাদ পৰা/অন্তৰ্ভুক্ত হোৱা) নিশ্চিত কৰিবলৈ অধিক সময় বিচৰাৰ পাছত এই সময় বৃদ্ধি কৰা হৈছিল।
বিচাৰপীঠখনত মুখ্য ন্যায়াধীশ ৰঞ্জন গগৈৰ লগতে আছিল ন্যায়াধীশ আৰ এফ নাৰিমন।
