সন্ত্ৰাসবাদৰ বিৰুদ্ধে যুঁজত এক বৃহৎ সফলতা। ৰাজধানী চহৰখনৰ পৰাই সন্দেহযুক্ত আইছিছৰ সন্ত্ৰাসবাদীক গ্ৰেপ্তাৰ কৰা হৈছে। জানিব পৰা মতে, সন্ত্ৰাসবাদীজনৰ নাম দীৰ্ঘদিন ধৰি ৰাষ্ট্ৰীয় তদন্ত সংস্থাৰ ৱাণ্টেড লিষ্টত আছিল। সোমবাৰে পুৱা দিল্লীৰ পৰা গ্ৰেপ্তাৰ কৰা হয় সন্ত্ৰাসবাদীজনক।
দিল্লী আৰক্ষীৰ বিশেষ শাখাই সোমবাৰে পুৱা শ্বাহনৱাজ ওৰফে শ্বাফি উজামাক গ্ৰেপ্তাৰ কৰে। এই সন্ত্ৰাসবাদীৰ সন্ধানত দিল্লী আৰক্ষীয়ে দীৰ্ঘদিন ধৰি NIAৰ বাবে কাম কৰি আছিল। আজিৰ তেওঁক দিল্লীৰ গোপন ঘাটিৰ পৰা গ্ৰেপ্তাৰ কৰা হয়। জানিব পৰা মতে তেওঁক সম্প্ৰতি জেৰা কৰি থকা হৈছে।
চোৰাংচোৱা সূত্ৰ অনুসৰি শ্বাহনৱাজ নামৰ সন্ত্ৰাসবাদীজন পেছাত এজন অভিযন্তা। পিছলৈ বিশ্বৰ অন্যতম বৃহৎ আৰু ভয়ংকৰ সন্ত্ৰাসবাদী সংগঠন আইছিছত যোগদান কৰে।
লগতে পঢ়কঃ ভণ্ড সাধু নিৰ্মূল অভিযান! সাধুসকলৰ আঙুলিৰ ছাপ সংগ্ৰহ কৰা আৰম্ভ কৰিলে তামিলনাডু আৰক্ষীয়ে
শ্বাহনৱাজ আইছিছৰ পুনে মডিউলৰ সৈতে জড়িত আছিল। ইয়াৰ পূৰ্বে পুনেৰ পৰাও তেওঁক গ্ৰেপ্তাৰ কৰা হৈছিল যদিও ছেগ বুজি আৰক্ষীৰ পৰা সন্ত্ৰাসবাদীজনে পলায়ন কৰে। পুনেৰ পৰা পলায়ন কৰি শ্বাহনৱাজে দিল্লীত আশ্ৰয় লয়। দীৰ্ঘদিন ধৰি দিল্লীৰ এটা গোপন ঘাটিত লুকুই আছিল। পুনেত গ্ৰেপ্তাৰ হোৱাৰ পিছতে শ্বাহনৱাজক এন আই এয়ে ‘ৱাণ্টেড’ বুলি ঘোষণা কৰে।
উল্লেখ্য যে যোৱা মাহতে NIA-এ পুৰষ্কাৰ ঘোষণা কৰিছিল। শ্বাহনৱাজ আৰু আন তিনিজন সন্ত্ৰাসবাদী ৰিজৱান আব্দুল হাজী আলী, আব্দুল্লা ফয়াজ শ্বেখ আৰু তালহা লিয়াকুৱাট খানৰ বিষয়ে যিকোনো তথ্য জনালে ৩ লাখ টকাৰ নগদ পুৰস্কাৰ ঘোষণা কৰা হয়। জনা গৈছে যে এই চাৰিওজন সন্ত্ৰাসবাদীয়েই আইছিছ মডিউলৰ সৈতে জড়িত।
লগতে পঢ়কঃ প্ৰায় ৬৫০ গৰাকী নাৰীৰ সৈতে ঘনিষ্ঠতা, লিপ্ত হৈছিল শাৰীৰিক সম্পৰ্কতো; কোন এই ক্ৰিকেটাৰ?
যোৱা মাহত আইছিছৰ কাৰ্যকলাপৰ প্ৰচাৰৰ অভিযোগত NIA-য়ে কেইবাজনো লোকক গ্ৰেপ্তাৰ কৰিছিল। গ্ৰেপ্তাৰ হোৱা এজনৰ ঘৰৰ পৰা ৰাষ্ট্ৰবিৰোধী কাৰ্যকলাপ আৰু ষড়যন্ত্ৰৰ প্ৰমাণ পোৱা যায়। গ্ৰেপ্তাৰ হোৱা আটাইকেইজনেই আইছিছৰ শ্লীপাৰ মডিউলৰ সৈতে জড়িত বুলি এন আই এয়ে জনাইছে।
