: ‘মিঠাই কেতিয়াৰ?’
:‘আজি বনোৱা, একদম ফ্ৰেছ, কিমান দিম কওঁক…’
এয়া মিঠাইৰ দোকানত সচৰাচৰ হৈ থকা এক সাধাৰণ বাৰ্তালাপ। এনে বাৰ্তালাপ আমি প্ৰায় সকলোৱে মিঠাইৰ দোকানীৰ লগত কৰি আহিছো।
প্ৰতিটো বাৰ্তালাপতেই আমি এটা উত্তৰেই পাওঁ—‘মিঠাই আজিৰ’।
দোকানীৰ কথা বিশ্বাস কৰি আমি দুদিন পুৰণি মিঠায়ো ঘৰলৈ নি পেলাই দিবলগীয়া পৰিস্থিতিৰ সৃষ্টি হৈছে।
১ অক্টোৱৰৰ পৰা অৱশ্যে কোনো মিঠাইৰ দোকানীয়ে কাকো পুৰণি মিঠাই বিক্ৰি কৰি ঠগিব নোৱাৰিব।
কাৰণ ফুড ছেফটি এণ্ড ষ্টেণ্ডাৰ্ড অথ’ৰিটি অব ইণ্ডিয়াই ১ অক্টোৱৰৰ পৰা দেশৰ সকলো মিঠাইৰ দোকানতে মিঠাইৰ ট্ৰেৰ কাষত সকলোৱে দেখাকৈ মিঠাই কেতিয়া প্ৰস্তুত কৰা হৈছে লিখি থবলৈ নির্দেশ দিছে ।
এই ক্ষেত্ৰত কোনো দোকানীয়ে মিথ্যাচাৰৰ আশ্ৰয় ল’লে তেনে দোকানীৰ বিৰুদ্ধে গ্ৰহণ কৰা হব কঠোৰ ব্যৱস্থা।উল্লেখ্য
ফুড ছেফটি এণ্ড ষ্টেণ্ডাৰ্ড অথ’ৰিটি অব ইণ্ডিয়াই ১ অক্টোৱৰৰ পৰা কোনো কোম্পানীয়ে সকলো লোকেই ব্যৱহাৰ কৰি অহা মিঠাতেলত কোনো ধৰণৰ আন ভোজ্য তেল মিহলাব নোৱাৰিব বুলিও নিৰ্দেশনা জাৰি কৰিছে।
ইয়াৰ আগলৈকে ফুড ছেফটি এণ্ড ষ্টেণ্ডাৰ্ড অথ’ৰিটি অব ইণ্ডিয়াই মিঠাতেলত সৰ্বাধিক ২০ শতাংশ পৰিমাণৰ আন ভোজ্য তেল মিহলি কৰাৰ বাবে কোম্পানী সমূহক অনুমতি দিছিল।
