ছুইজাৰলেণ্ডৰ পৰা আহিছে ক’লা ধনৰ তালিকা; শংকিত একাংশই খালী কৰিছে একাউন্ট
ছুইছ বেংকত একাউন্ট থকা ভাৰতীয়ৰ ভাৰত চৰকাৰলৈ আহিবলৈ আৰম্ভ কৰিছে। চলিত মাহতে ছুইছ বেংকত একাউন্টৰ সৈতে জড়িত কিছু তথ্য ভাৰত চৰকাৰে লাভ কৰিছে।
চৰকাৰে অই তথ্যসমূহ পৰীক্ষা কৰি আছে যাতে বিদেশত অবৈধভাৱে ধন ৰখা সকলৰ বিৰুদ্ধে ব্যৱস্থা গ্ৰহণ কৰিব পৰা যায়।
আনহাতে, ছুইজাৰলেণ্ড চৰকাৰে দিয়া তথ্যত কিছুমান এনেকুৱা একাউন্ট আছে যিবোৰ শাস্তিমূলক ব্যৱস্থাৰ সন্মুখীন হোৱাৰ আশংকাত ইতিমধ্যে বন্ধ কৰি দিয়া হৈছে।
ছুইজাৰলেণ্ড চৰকাৰে তথ্য প্ৰকাশ কৰাৰ স্বয়ংক্ৰিয় ব্যৱস্থা অনুসৰি ভাৰত চৰকাৰক এই তথ্য প্ৰস্তুত কৰি দিছে।
গোপনীয়তাৰ চৰ্ত সাপেক্ষে বেংক বিষয়া তথা নিয়ন্ত্ৰণকাৰী সংস্থাৰ সৈতে জড়িত বিষয়াই সদৰী কৰে যে ছুইজাৰলেণ্ডৰ পৰা তথ্যত প্ৰধানকৈ ব্যৱসায়ী তথা প্ৰবাসী ভাৰতীয় লোকৰ নাম সন্নিৱিষ্ট আছে।
উক্ত প্ৰবাসী ভাৰতীয়সকলে দক্ষিণ-পূব এছিয়াৰ দেশসমূহ, আমেৰিকা, ব্ৰিটেইন তথা কিছুমান আফ্ৰিকীয় দেশত ব্যৱসায় চলাই আছে।
বেংক বিষয়াসকলৰ সূত্ৰই প্ৰকাশ কৰা মতে অতি গোপনীয়তা ৰক্ষা কৰা ছুইছ বেংকৰ একাউন্টৰ বিৰুদ্ধে যেতিয়া বিশ্বত বিভিন্ন পৰ্যায়ত কাৰ্যব্যৱস্থা গ্ৰহণ কৰা আৰম্ভ হৈছিল তাৰ পাছৰে পৰা বিগত কেইবছৰ ধৰি এই একাউন্টবোৰৰ পৰা বৃহৎ পৰিমানৰ ধন উলিয়াই নিয়া হৈছে। আনিক কিছুমান একাউন্ট বন্ধও হৈ গৈছে।
ছুইজাৰলেণ্ড চৰকাৰে ভাৰত চৰকাৰক দিয়া তথ্যত ইমানখিনি তথ্য অৱশ্যেই আছে যে যাৰবাবে ইয়াত ধন ৰখা সকলৰ বিৰুদ্ধে শক্তিশালী গোচৰ প্ৰস্তুত কৰিব পৰা যাব।
ছুইজাৰলেণ্ডে চৰকাৰে ২০১৮’ৰ এটা দিনো সক্ৰিয় হৈ থকা সেই একাউন্টসমূহৰ লেনদেনৰ সম্পূৰ্ণ বিবৰণ আগবঢ়াইছে।
সংবাদ প্ৰতিষ্ঠানৰ বাতৰি অনুসৰি, এই তথ্য উক্ত একাউন্টসমূহত অব্যধভাৱে অঘোষিত সম্পত্তি ৰখা সকলৰ বিৰুদ্ধে শক্তিশালী গোচৰ প্ৰস্তুত কৰাৰ ক্ষেত্ৰত যথেষ্ট সহায়ক হ’ব।
জানিব পৰা মতে, ইয়াত জমা, ট্ৰেন্সফাৰ তথা ছিকিউৰিটি আৰু সম্পত্তিত বিনিয়োগৰ পৰা হোৱা আয়ৰ সম্পূৰ্ণ তথ্য দাঙি ধৰা হৈছে।
আনহাতে, ২০১৮চনৰ পূৰ্বে বন্ধ কৰি দিয়াৰ আশংকা কৰা ১০০টা একাউন্টৰ তথ্যও ছুইজাৰলেণ্ড চৰকাৰৰ হাতত আছে।
ছুইজাৰলেণ্ড চৰকাৰৰ সৈতে হোৱা এক বুজাবুজিৰ আধাৰত এই একাউন্টসমূহৰ তথ্যও ভাৰতক অৰ্পন কৰিব।
নিয়ন্ত্ৰক সংস্থাসমূহে একাউন্টসমূহৰ সৈতে ৰাজনৈতিক সম্পৰ্ক থকা বিষয়টোৰ তদন্ত অতি সন্তৰ্পনে কৰি আছে।
জানিব পৰা মতে, ছুইজাৰলেণ্ড চৰকাৰে তিনিটা শাখাত এই তথ্য দাঙি ধৰিছে। সেইকেইটা হৈছে, একাউন্টৰ গৰাকীৰ পৰিচয়, একাউন্টৰ নম্বৰ আৰু বিত্তীয় লেনদেন।