আন্ত:ৰাষ্ট্ৰীয় ক্ৰিকেট পৰিষদ(ICC) এ দেওবাৰে ওমান আৰু ইউনাইটেড আৰৱ এমিৰেটছ্(UAE) ত ১৭ অক্টোবৰৰ পৰা আৰম্ভ হ’বলগীয়া পুৰুষৰ টি-২০ বিশ্বকাপৰ বাবে পুৰষ্কাৰৰ ধনৰাশিৰ বিৱৰণ ঘোষণা কৰে।
বিশ্ব ক্ৰিকেটৰ সৰ্বোচ্চ সংস্থাটোৱে এক প্ৰেছ বিজ্ঞপ্তিত প্ৰকাশ কৰে যে প্ৰতিযোগিতাখনৰ বিজয়ী দলে লাভ কৰিব ১.৬ নিযুত আমেৰিকান ডলাৰৰ পুৰষ্কাৰ। আনহাতে ৰানাৰ্ছ-আপ দলে লাভ কৰিব ৮ নিযুত মাৰ্কিন ডলাৰৰ পুৰষ্কাৰ।
১৭ অক্টোবৰৰ পৰা ১৪ নৱেম্বৰলৈ অনুষ্ঠিত হ’বলগীয়া পুৰুষৰ টি-২০ বিশ্বকাপত ১৬ টা দলে অংশগ্ৰহণ কৰিব।
সৰ্বমুঠ ৫.৬ নিযুত মাৰ্কিন ডলাৰ পুৰষ্কাৰ সম্বলিত প্ৰতিযোগিতাখনত প্ৰতিটো অংশগ্ৰহণকাৰী দলে লাভ কৰিব নিৰ্দিষ্ট পৰিমাণৰ ধন।
১০ আৰু ১১ নৱেম্বৰত অনুষ্ঠিত হ’বলগীয়া ছেমি ফাইনেলত পৰাজিত দুয়োটা দলে ৪,০০,০০০ মাৰ্কিন ডলাৰ লাভ কৰিব।
এক বিবৃতিত ICC এ কয়,স“২০১৬ চনৰ বিশ্বকাপৰ দৰে চুপাৰ ১২ পৰ্যায়ত দলবোৰে জিকা প্ৰতিখন খেলৰ বাবে এক বোনাচ পৰিমাণ থাকিব। সেই পৰ্যায়ৰ ৩০ খন খেলৰ প্ৰতিখনতে বিজয়ীসকলে এইবাৰ ৪০,০০০ ডলাৰ লাভ কৰিব।”
আফগানিস্তান, অষ্ট্ৰেলিয়া, ইংলেণ্ড, ভাৰত, নিউজিলেণ্ড, পাকিস্তান, দক্ষিণ আফ্ৰিকা আৰু ৱেষ্ট ইণ্ডিজে চুপাৰ ১২ পৰ্যায়ৰ পৰা তেওঁলোকৰ অভিযান আৰম্ভ কৰিব।
আইচিচি পুৰুষৰ টি-২০ বিশ্বকাপ অভিযান সেই পৰ্যায়ত সমাপ্ত হোৱা আঠটা দলে স্বয়ংক্ৰিয়ভাৱে ৭০,০০০ ডলাৰ লাভ কৰিব।
“প্ৰথম ৰাউণ্ডত বিজয়ী দলবোৰে ৪০,০০০ ডলাৰ লাভ কৰিব, যাৰ সৰ্বমুঠ পৰিমাণ হৈছে ৪৮০,০০০ মাৰ্কিন ডলাৰ। প্ৰথম ৰাউণ্ডত পৰাস্ত হোৱা চাৰিটা দলে সামগ্ৰিকভাৱে ১,৬০,০০০ ডলাৰৰ পৰা ৪০,০০০ ডলাৰ লাভ কৰিব।” আইচিচিৰ বিজ্ঞপ্তিত কোৱা হৈছে।
ইফালে, আইচিচিয়ে লগতে ঘোষণা কৰে যে প্ৰতিখন খেলত দুটাকৈ বিৰতি হ’ব, যি ২.৩০ মিনিটৰ চলিব আৰু প্ৰতিটো ইনিংছৰ মাজভাগত লোৱা হ’ব।
