তামিলনাডুৰ উচ্চ শিক্ষা বিভাগৰ মন্ত্ৰী কে পোনমুদীয়ে উত্তৰ ভাৰতীয়সকলক “পানী পুৰী (ফুচকা) বিক্ৰেতা” বুলি অভিহিত কৰি পুনৰ এক বিতৰ্কৰ সৃষ্টি কৰিছে। শুকুৰবাৰে তেওঁ কৈছিল যে যিসকলে ‘পানীপুৰী বিক্ৰী কৰি আছে’ তেওঁলোক হিন্দী ভাষী লোক।
কোইম্বাটুৰৰ ৰাজ্যিক ভাৰ্টিয়াৰ বিশ্ববিদ্যালয়ৰ ৩৭ সংখ্যক সমাৱৰ্তন অনুষ্ঠানত ভাষণ দি দ্ৰাবিড় মুন্নেত্ৰা কাঝাগম (ডিএমকে)ৰ মন্ত্ৰীগৰাকীয়ে কয় যে ৰাজ্য চৰকাৰে ৰাজ্যখনত ইংৰাজী আৰু তামিলৰ ওপৰত গুৰুত্ব দি নিৰ্দিষ্ট ভাষা নীতি অনুসৰণ কৰিবলৈ সংকল্পবদ্ধ।
তামিলনাডুৰ উচ্চ শিক্ষা মন্ত্ৰী কে পোনমুদীয়ে কয়, “যদিও ইংৰাজী এক আন্তৰ্জাতিক ভাষা, তামিল হৈছে এক স্থানীয় আঞ্চলিক ভাষা।
লগতে পঢ়ক: ইউক্ৰেইনত যুদ্ধ অপৰাধৰ অভিযোগত প্ৰথমবাৰ বিচাৰৰ সন্মুখীন ৰাছিয়ান সেনা
ডিএমকে নেতাজনে লগতে কয় “চি এন আন্নাদুৰাই (ডিএমকেৰ প্ৰতিষ্ঠাপক আৰু প্ৰাক্তন মুখ্যমন্ত্ৰী) ইংৰাজ আৰু তামিলৰ পক্ষত মত প্ৰকাশ কৰিছিল। তেওঁ এটা কাহিনী কৈছিল-মেকুৰী আৰু নিগনিৰ বাবে দুটা পৃথক প্ৰৱেশদ্বাৰ সৃষ্টি কৰাৰ কাহিনী কৈছিল। তেওঁ কৈছিল যে নিগনিবোৰে মেকুৰীৰ বাবে তৈয়াৰ কৰা প্ৰৱেশদ্বাৰৰ মাজেৰেও প্ৰৱেশ কৰিব পাৰে। আমি ইংৰাজী নামৰ এটা আন্তৰ্জাতিক ভাষা শিকি আছোঁ। ইয়াত অন্য ভাষাৰ কি প্ৰয়োজন?’
ইপিনে, পোনমুদীৰ মন্তব্যকলৈ বিতৰ্কৰ জোৱাৰ উঠিছে। বহুতেই তেওঁৰ এই মন্তব্যই হিন্দীভাষীসকলক অপমান কৰাৰ বুলি অভিযোগ আনিছে।
ভাৰতীয় জনতা পাৰ্টিৰ ৰাষ্ট্ৰীয় মুখপাত্ৰ শ্বেহজাদ পুনাৱালাই প্ৰতিক্ৰিয়া ব্যক্ত কৰি টুইটাৰত লিখিছে যে তামিল মন্ত্ৰীগৰাকীয়ে হিন্দী ভাষীসকলক অপমান কৰিছে।
লগতে পঢ়ক: একেলগে গৰ্ভৱতী হ’ল একেখন হাস্পাতালৰ প্ৰসূতি বিভাগৰ ১০ গৰাকী নাৰ্চ, এগৰাকী চিকিৎসক
উল্লেখ্য যে কেন্দ্ৰীয় গৃহমন্ত্ৰী অমিত শ্বাহে শেহতীয়াকৈ ৰাষ্ট্ৰভাষা হিচাপে সমগ্ৰ দেশতে এক হিন্দী ভাষা প্ৰৱৰ্তনৰ কথা উল্লেখ কৰাৰ পিছতেই দেশৰ বিভিন্ন প্ৰান্তত বিতৰ্কৰ সৃষ্টি হয়।
