ভাৰতত MeeToo আন্দোলন তেওঁৰ পৰাই আৰম্ভ হৈছিল। তেওঁ নানা পাটেকাৰৰ বিৰুদ্ধে যৌন নিৰ্যাতনৰ অভিযোগ উত্থাপন কৰি সমগ্ৰ দেশতে তোলপাৰৰ সৃষ্টি কৰিছিল। তাৰ পিছত বহু মহিলাই স্বতঃস্ফূৰ্তভাৱে ‘মী টু’ আন্দোলনত যোগদান কৰে। কৰ্মক্ষেত্ৰত মহিলা কেনেকৈ হাৰাশাস্তি বা নিৰাপত্তাহীনতাত ভোগে? কলকাতাৰ আৰ জি কৰ হাস্পাতালৰ ঘটনাৰ পিছত সেই প্ৰশ্নটো পুনৰ গুৰুত্বপূৰ্ণ হৈ পৰিছে। সেই অভিনেত্ৰী, তনুশ্ৰী দত্তই এইবাৰ বিবেক অগ্নিহোত্ৰীৰ বিৰুদ্ধে গুৰুতৰ অভিযোগ উত্থাপন কৰিছে।
‘কাশ্মীৰ ফাইলছ’ৰ পৰিচালক বিবেক অগ্নিহোত্ৰীৰ বিৰুদ্ধে তনুশ্ৰীৰ অভিযোগ যে শ্বুটিংৰ সময়ত চুটি কাপোৰ পিন্ধিব লগা হৈছিল, কিন্তু শ্বট দিয়াৰ পিছত বিৰতিৰ সময়তো গা ঢাকি ৰাখিবলৈ দিয়া নাছিল। পৰিচালকগৰাকীক লৈ তনুশ্ৰী দত্তৰ মন্তব্য সম্প্ৰতি চৰ্চাৰ শিৰোনামত।
লগতে পঢ়কঃ দেশৰ মহিলা সাংবাদিকক নিউজৰুমত যৌন নিৰ্যাতন, অপদস্থ তথা অপমানৰ বিৰুদ্ধে দাবী পত্ৰ প্ৰকাশ
তনুশ্ৰীয়ে দাবী কৰে যে ২০০৫ চনত ‘চকলেট’ৰ শ্বুটিংৰ সময়ত বিবেকে তেওঁক নিৰ্যাতন চলাইছিল। অভিনেত্ৰীগৰাকীয়ে দৰাচলতে কি ক’লে? বিবেকে তেওঁক ভেনিটি ভ্যানত যাবলৈ দিয়া নাছিল, তেওঁক চুটি কাপোৰ পিন্ধি সকলোৰে সন্মুখত বহিবলৈ বাধ্য কৰাইছিল।
তনুশ্ৰীৰ ভাষাত “শিল্পীসকলে ভেনিটি ভ্যানত আশ্ৰয় লোৱাই নিয়ম। বিশেষকৈ আমাক যি ধৰণৰ কাপোৰ পিন্ধিবলৈ দিয়া হৈছিল, মানে চুটি পোছাক যিধৰণৰ হয়। শ্বুটিঙৰ মাজত মই চুটি পোছাকৰ ওপৰত ৰ’ব পিন্ধি বহিছিলো, তেওঁ কৈছিল, – খুলি পেলোৱা, এতিয়াই শ্বট হৈ যাব। তেওঁ মোক চুটি স্কাৰ্ট পিন্ধি গোটেই ইউনিটটোৰ সন্মুখত বহি থাকিবলৈ বাধ্য কৰিছিল।”
Tanushree Datta accuses Vivek Agnihotri of Harassment on the sets of the movie Chocolate made in 2005. (Apparently a few insiders from the industry have also confirmed the same about him)
byu/Ok-Fox-5034 inBollyBlindsNGossip
তনুশ্ৰী দত্তই লগতে কয়, “এদিন মই পাঁচ মিনিট দেৰিকৈ আহি পালোঁ আৰু তেওঁ মোক অপেছাদাৰী বুলি অভিযোগ কৰি চিঞৰ-বাখৰ কৰিলে। কিন্তু মই চেটত উপস্থিত হোৱাৰ সেই সময়লৈকে লাইটবোৰো লগোৱা হৈ উঠা নাছিল। যিদৰে হয় একো সাজু নাছিল! কিন্তু এদিন পাঁচ মিনিট দেৰিকৈ আহি পোৱাৰ বাবেই তেওঁ সেইটো ব্যৱহাৰ কৰে। মই আহিছো নে নাই চাবলৈ তেওঁ চেটত ভুমুকিয়াই চায়।” বিবেক অগ্নিহোত্ৰীয়ে অৱশ্যে এতিয়াও তনুশ্ৰীৰ এই অভিযোগৰ কোনো প্ৰতিক্ৰিয়া প্ৰকাশ কৰা নাই।
