অসম তথা ভাৰতৰ তাৰকাৰ দৌৰবিদ ধিং এক্সপ্ৰেছ খ্যাত হিমা দাসৰ নাম অসম চৰকাৰে ২০২০ বৰ্ষৰ ৰাজীৱ গান্ধী খেলৰত্ন বঁটাৰ বাবে মনোনীত কৰিছে।
হিমা দাসে ২০১৮ বৰ্ষৰ এছিয়ান গেমছত ৰূপৰ দখল কৰি দেশৰ লগতে অসমলৈ গৌৰৱ কঢ়িয়াই আনিছিল।
২০ বৰ্ষীয় হিমা দাসে ২০১৯ বৰ্ষত পাঁচটা আন্তঃৰাষ্ট্ৰীয় সোণৰ পদক কৰিছিল।
খেলত দেখুওৱা পাৰদৰ্শিতাৰ বাবে ইতিমধ্যে হিমা দাসলৈ ভাৰত চৰকাৰে অৰ্জুন বঁটা আগবঢ়াইছে।
হিমা দাসৰ উপৰি জেভলিন থ্ৰোৱাৰ নিৰজ চোপ্ৰা, মল্লযোদ্ধা ভিনেশ ফোগাট, ক্ৰিকেটাৰ তথা ভাৰতীয় ক্ৰিকেট দলৰ সহঃ অধিনায়ক ৰোহিত শৰ্মাৰ নামো ২০২০ বৰ্ষৰ ৰাজীৱ গান্ধী খেলৰত্ন বঁটাৰ বাবে মনোনীত কৰা হৈছে।
উল্লেখযোগ্য যে, ক’ৰ’না ভাইৰাছৰ সংক্ৰমণৰ বাবে ২০২০ বৰ্ষত জাপানৰ ৰাজধানী টকিঅ’ত অনুষ্ঠিত হ’বলগীয়া অলিম্পিক ক্ৰীড়া প্ৰতিযোগিতা ২০২১ বৰ্ষলৈ পিছুৱাই দিয়াৰ পাছত অসম সন্তান হিমা দাসে প্ৰতিযোগিতাখনলৈ প্ৰস্তুতিৰ বাবে অধিক সময় লাভ কৰিব।
বিগত সময়ছোৱাত হিমাই আঘাতৰ সৈতে যুঁজিব লগীয়া হৈছিল।