বোকাখাতৰ জ্যেষ্ঠ সাংবাদিক তথা বোকাখাত প্ৰেছক্লাৱৰ সভাপতি ভবানন্দ কলিতালৈ আগবঢ়োৱা হৈছে” ছহিদ সাংবাদিক পবিত্ৰ নাৰায়ণ সোঁৱৰণী সাংবাদিকতা বঁটা-২০২৩”।
চৰকাৰী পঞ্জীভুক্ত সাংবাদিক সংগঠন ‘আসাম প্রেছ ক’ৰেছপণ্ডেণ্টছ ইউনিয়ন’ চমুকৈ ‘আপকু’ৰ তৰফৰ পৰা জেষ্ঠ সাংবাদিক গৰাকীলৈ আগবঢ়োৱা হৈছে এই বঁটা ৷
অহা ১০ ডিচেম্বৰত গহপুৰ মহকুমা সমিতিৰ আতিথ্যত গহপুৰত অনুষ্ঠিত হ’ব লগা আসাম প্ৰেছ ক’ৰেছপণ্ডেণ্টছ ইউনিয়নৰ ষষ্ঠদশ কেন্দ্রীয় মধ্যকালীন অধিৱেশনৰ মুকলি সভাত বোকাখাতৰ জেষ্ঠ সাংবাদিক ভৱানন্দ কলিতাক এই বঁটা প্ৰদান কৰিব বুলি জনাইছে আপকুৰ কেন্দ্ৰীয় সমিতিৰ সভাপতি স্বপন কুমাৰ ৰাভা, কার্যকৰী সভাপতি মৌচম জ্যোতি বৈশ্য আৰু প্রধান সম্পাদক শৰৎ শেনছোৱাই৷
ইয়াৰ পূৰ্বে কমাৰগাঁও আঞ্চলিক সাংবাদিক সন্থাই ২০২১চনত “মুক্তিযুদ্ধা ডুম্বি কামান সোঁৱৰণী গোলাঘাট জিলা শ্ৰেষ্ঠ সাংবাদিক বটা” , যোৰহাটৰ দিকদৰ্শন গোস্ঠীৰ দ্বাৰা “সংবাদ প্ৰহৰী” বঁটা , অসম চৰকাৰৰ দ্বাৰা “লেখক বঁটা” আদি কেইবাটাও বঁটাৰে সন্মানিত হৈছে জেষ্ঠ সাংবাদিক গৰাকী।
উল্লেখযোগ্য যে, নব্বৈ দশকৰ পৰাই অসমৰ আগশাৰীৰ বিভিন্ন সংবাদ পত্ৰৰ সৈতে জড়িত হৈ সেৱা আগবঢ়াই অহাৰ লগতে বিভিন্ন আলোচনী তথা প্ৰচাৰ মাধ্যমৰ সৈতে জড়িত হোৱা উপৰিও বহু সামাজিক অনুষ্ঠান-প্ৰতিষ্ঠানৰ সৈতেও জড়িত বোকাখাতৰ জেষ্ঠ সাংবাদিক গৰাকী৷
