কলিয়াবৰত আজি অনুষ্ঠিত হয় সদৌ অসম গোৰ্খা ছাত্র সন্থাৰ কেন্দ্ৰীয় কমিটীৰ শপত গ্ৰহণ অনুষ্ঠান।
কলিয়াবৰৰ ঔগুৰিৰ ভানু সমিতি ভৱনত নতুনকৈ গঠন হোৱা অসম গোৰ্খা ছাত্র সন্থাৰ কেন্দ্ৰীয় কমিটীয়ে শপত গ্ৰহণ কৰে।
এই শপত গ্ৰহণ অনুষ্ঠানত ৩৭ জনীয়া কেন্দ্ৰীয় সমিতিয়ে শপত লয়।
গুৰুত্বপূৰ্ণ কথা এয়ে যে নৱ গঠিত এই কেন্দ্ৰীয় সমিতিয়ে শপত গ্ৰহণ কৰিয়েই সংগঠনটোৰ নৱনিযুক্ত সভাপতি অৰ্জুন ছেত্ৰীয়ে ৰাজনৈতিক দল গঠন কৰাৰ ইংগিত প্ৰদান কৰে।
কলিয়াবৰত অনুষ্ঠিত হোৱা শপত গ্ৰহণ অনুষ্ঠানত শপত গ্ৰহণ কৰিয়েই সাংবাদিকৰ আগত এই মন্তব্য আগবঢ়াই সভাপতি গৰাকীয়ে।
গোৰ্খা ছাত্ৰ সন্থাৰ বিগত দিন সমূহত যি সমূহ দাবী সমাধানৰ বাবে অসম চৰকাৰক দিয়া হৈছে সেই দাবী সমূহ বিধানসভা নিৰ্বাচনৰ আগত সমাধান নকৰিলে তীব্ৰ আন্দোলনৰ হুংকাৰ প্ৰদান কৰে গোৰ্খা ছাত্ৰ সন্থাই।
নৱগঠিত কেন্দ্ৰীয় কমিটীৰ সভাপতিৰূপে অৰ্জুন ছেত্ৰী আৰু সম্পাদক পদত অধিষ্ঠিত হয় নুমল ছেত্ৰী।
আনহাতে আজিৰ এই অনুষ্ঠানত বিশিষ্ট অতিথিৰূপে উপস্থিত থাকে বিশ্বনাথ কলেজৰ অধ্যক্ষা ড০ চিন্তামণি শৰ্মা, গোৰ্খা উন্নয়ন পৰিষদৰ অধ্যক্ষ প্ৰেম তামাং, গোৰ্খা ছাত্ৰ সন্থাৰ উপদেষ্টা বিৰেন্দ্ৰ চুব্বা।
