আজি গুৱাহাটী ৰাজীৱ ভৱনত প্ৰদেশ কংগ্ৰেছৰ চচিয়েল মিডিয়া আৰু তথ্য প্ৰযুক্তি বিভাগৰ এখন ৰাজ্যিক ভিত্তিক প্ৰশিক্ষণ শিবিৰ অনুষ্ঠিত হয়। প্ৰদেশ কংগ্ৰেছৰ চচিয়েল মিডিয়া বিভাগৰ অধ্যক্ষ ৰাতুল কলিতাৰ নেতৃত্বত ৰাজ্যখনৰ আটাইকেইখন জিলাৰ চচিয়েল মিডিয়া বিভাগৰ অধ্যক্ষ আৰু ৰাজ্যিক বিষয় ববিয়া সকলৰ মাজত অনুষ্ঠিত হয় এই প্ৰশিক্ষণ শিবিৰ।
আগন্তুক ২০২৬ ৰ বিধানসভা নিৰ্বাচনৰ প্ৰতি লক্ষ্য ৰাখি অনুষ্ঠিত হয় এই শিবিৰ। শিবিৰত নিখিল ভাৰত কংগ্ৰেছ কমিটীৰ চচিয়েল মিডিয়া আৰু ডিজিটেল প্লেটফৰ্মৰ ৰাষ্ট্ৰীয় সমন্বয়িকা তথা অসম প্ৰদেশ কংগ্ৰেছ কমিটীৰ সামাজিক মাধ্যম আৰু তথ্য প্ৰযুক্তি বিভাগৰ তত্বাৱধায়িকা সায়ন্তনী ৰয় ডাঙৰীয়ানিয়ে দিয়া প্ৰশিক্ষণত ৰাজ্যখনৰ কংগ্ৰেছ চচিয়েল মিডিয়াৰ বিষয় ববিয়া সকল অধিক উৎসাহী হোৱা দেখা যায়।
প্ৰদেশ কংগ্ৰেছৰ মিডিয়া বিভাগৰ অধ্যক্ষ বেদব্ৰত বৰাই মহমানৱ মহাত্মা গান্ধীৰ প্ৰতিকৃতিত এগছি বন্তি জ্বলাই প্ৰশিক্ষণ শিবিৰ আৰম্ভ কৰে। প্ৰদেশ কংগ্ৰেছৰ চচিয়েল মিডিয়া বিভাগৰ অধ্যক্ষ ৰাতুল কলিতাই আৰম্ভনি ভাষণেৰে চচিয়েল মিডিয়াৰ যোদ্ধা সকলক অধিক উৎসাহী কৰি তোলে। প্ৰদেশ কংগ্ৰেছৰ চচিয়েল মিডিয়া বিভাগৰ ৰাজ্যিক সমন্বয়ক বিমল দলেই আত ধৰা প্ৰশিক্ষণ শিবিৰত উপাধ্যক্ষ মহিবুৰ ৰহমানে এক সামগ্ৰিক পৰ্যালোচনা কৰে। ৰাজ্যিক সমন্বয়িকা তৰা ভৰালী, ৰাজ্যিক সমন্বয়ক মানস প্ৰতীম তালুকদাৰৰ ৰাজ্যিক বিষয় ববিয়া সকলে শিবিৰত আগভাগ লয়।
