২০২৪ চনত আমেৰিকাত অনুষ্ঠিত হ’ব ৰাষ্ট্ৰপতি নিৰ্বাচন। এই নিৰ্বাচনৰ বাবে ইতিমধ্যে নিজকে সাজু কৰি তুলিছে বিভিন্ন দলৰ নেতৃত্বই। এইবাৰ আমেৰিকাৰ ৰাষ্ট্ৰপতি নিৰ্বাচনত প্ৰতিদ্বন্দিতা আগবঢ়াবলৈ নিজকে সাজু কৰিছে এগৰাকী ভাৰতীয় মূলৰ আমেৰিকা নিবাসী নাগৰিকে।
আমেৰিকাৰ পৰৱৰ্তী ৰাষ্ট্ৰপতি নিৰ্বাচনৰ বাবে নিজকে সাজু কৰি তোলা মহিলাগৰাকীৰ নাম হৈছে নিকী হেলী। ভাৰতীয় এক পাঞ্জাৱী দম্পতিৰ ঔৰষত জন্ম হৈছিল হিকী হেলীৰ। নিকী হেলীৰ পিতৃৰ নাম হৈছে অজিত সিং ৰান্ধাৱা আৰু মাতৃৰ নাম হৈছে ৰাজ কৌৰ ৰান্ধাৱা।
নিকী হেলী আমেৰিকাৰ এগৰাকী আগশাৰীৰ নাগৰিক। বিভিন্ন গুৰুত্বপূৰ্ণ পদবীত থাকি দীৰ্ঘদিন ধৰি আমেৰিকাৰ বাবে সেৱা আগবঢ়াই আহিছে নিকীয়ে। ৰাষ্ট্ৰসংঘত আমেৰিকাৰ ৰাষ্ট্ৰদূত হিচাপেও নিয়োজিত হৈছিল নিকী হেলী। ইয়াৰ লগতে আমেৰিকাৰ কেৰ’লিনা প্ৰদেশৰ ৰাজ্যপাল হিচাপেও কাৰ্য নিবাহ কৰিছিল ভাৰতীয় মূলৰ নিকী হেলীয়ে।
উল্লেখ্য যে যদিহে নিকীয়ে ২০২৪ চনত আমেৰিকাৰ ৰাষ্ট্ৰপতি নিৰ্বাচনত প্ৰতিদ্বন্দিতা কৰে তেনেহ’লে ৰিপাব্লিকান পাৰ্টিৰ পৰা ড’নাল্ড ট্ৰাম্পক প্ৰত্যাহ্বান জনোৱা প্ৰথমগৰাকী নেতৃ হিচাপে পৰিগণিত হ’ব নিকী। ইতিমধ্যেই ট্ৰাম্পে অহা বছৰৰ নিৰ্বাচনত প্ৰতিদ্বন্দিতা আগবঢ়াব বুলি ঘোষণা কৰিছেই। কিন্তু পৰৱৰ্তী ৰাষ্ট্ৰপতিৰ বাবে নতুনক বাট এৰি দিয়া উচিত বুলি দাবী কৰিছে নিকীয়ে। সেইদৰে বাইডেনৰ ক্ষেত্ৰটো একেই মত পোষণ কৰিছে ৫১ বছৰীয়া নিকী হেলীয়ে।
We can’t have a second term of Joe Biden. pic.twitter.com/OdKA6pMaEA
— Nikki Haley (@NikkiHaley) January 25, 2023
জানিব পৰা মতে অহা ১৪ ফেব্ৰুৱাৰীৰ দিনা নিকী হেলীয়ে নিৰ্বাচনত প্ৰতিদ্বন্দিতা আগবঢ়োৱাৰ সিদ্ধান্ত সম্পৰ্কে ঘোষণা কৰিব। সেইদিনা হে স্পষ্টকৈ জানিব পৰা যাব অহা বৰ্ষৰ আমেৰিকাৰ ৰাষ্ট্ৰপতি নিৰ্বাচনত নিকী হেলীয়ে প্ৰতিদ্বন্দিতা আগবঢ়া নে নবঢ়াই? যদি এই নিৰ্বাচনত নিকীয়ে প্ৰতিদ্বন্দিতা আগবঢ়ায় আৰু বিজয় সাব্যস্ত কৰে তেন্তে ই হ’ব ভাৰতৰ বাবে এক গৌৰৱৰ বিষয়।