২০২০ বৰ্ষৰ আৰম্ভনিৰে পৰাই বিশ্ববাসীয়ে ক’ৰ’ণা অতিমাৰীৰ সৈতে যুঁজ দিবলগীয়া হৈছে।
ক’ৰ’ণাৰ সংক্ৰমণৰ বাবে স্থৱিৰ হৈ পৰিছে বিশ্বৰ সামগ্ৰীক বিকাশ।
বহু লোকে হেৰুৱাইছে কৰ্ম সংস্থাপন।ক’ৰ’ণাৰ বিৰুদ্ধে বিশ্ববাসীয়ে দি থকা যুঁজ খন এতিয়াও শেষ হোৱা নাই।
তথাপি ভবা হৈছিল ২০২১ বছৰটোৱে বিশ্ববাসীৰ বাবে আশা আৰু উদ্দীপনাৰ ৰেঙণি কঢ়িয়াই আনিব বুলি ভবা হৈছিল যদিও সেই আশাত যেন চেঁচা পানী পৰিব।
নষ্ট্ৰাডামুছৰ ভৱিষ্যতবাণী বোৰ ফঁহিয়াই চালেই তেনে অশনি সংকেত কেতবোৰেই দেখিবলৈ পোৱা যায়।
আজিৰে পৰা প্ৰায় ৫০০ বছৰ পূৰ্বে নষ্ট্ৰাডামুছে কৰি থৈ যোৱা ভৱিষ্যতবাণীসমূহ সময়ৰ লগে লগে ফলিয়াই যোৱাৰ কথা ইতিমধ্যে প্ৰমাণ হৈছে।
হিটলাৰৰ অপশাসনৰ পৰা আৰম্ভ কৰি দ্বিতীয় বিশ্ব যুদ্ধ আৰু অন্যান্য বিষয়ত ফৰাচী দাৰ্শনিক নষ্ট্ৰাডামুছে কৰি যোৱা ভৱিষ্যতবাণী আখৰে আখৰে মিলি গৈছে।
২০২১ বছৰটোত সংঘটিত হ’বলগীয়া কেতবোৰ অঘটনৰ কথাও দাৰ্শনিক নষ্ট্ৰাডামুছে লিখি থৈ গৈছে। শুনিবলৈ বেয়া হ’লেও এয়া সঁচা যে যদিহে নষ্ট্ৰাডামুছে কৰি থৈ যোৱা ভৱিষ্যতবাণী ফলিয়ায় তেন্তে ২০২০ চনতকৈয়ো অধিক দুৰ্ভোগ ভুগিব লাগিব বিশ্ববাসীয়ে। আহকচোন চাওঁ ২০২১ বৰ্ষৰ বাবে নষ্ট্ৰাডামুছে কৰি থৈ কেইটামান ভৱিষ্যতবাণী—
জৈৱিক অস্ত্ৰৰ মহাবিপদ: দাৰ্শনিক নষ্ট্ৰাডামুছে উল্লেখ কৰি থৈ যোৱা মতে ২০২১ চনৰ সময় ছোৱাত ৰাছিয়াৰ এজন বিজ্ঞানীয়ে এনে এবিধ জৈৱিক অস্ত্ৰ তৈয়াৰ কৰিব , যিবিধ অস্ত্ৰই পৃথিৱীত মানৱ প্ৰজাতিৰ বিলুপ্তি পৰ্যন্ত ঘটাব পাৰে।এনে অস্ত্ৰ প্ৰভাৱত মানুহ অৰ্ধ মৃত হৈ পৰিব পাৰে।
মহাপ্ৰলয়ৰ আশংকা: নষ্ট্ৰাডামুছৰ ভৱিষ্যতবাণী অনুসৰি ভূমিকম্প, বান,খাদ্য সংকট আদিৰ দৰে প্ৰলয়ে বিশ্বক ২০২১ বৰ্ষৰ সময়ছোৱাত জোকাৰি যাব। যাৰ প্ৰভাৱ হ’ব পাৰে ক’ৰ’ণাই সৃষ্টি কৰা কুপ্ৰভাৱতকৈ বহু বেছি।নষ্ট্ৰাডামুছে এনে প্ৰলয়ৰ ইংগিত তেওঁৰ লেখাত উল্লেখ কৰা তেজ, গাখীৰ,খাদ্য সংকট,প্লেগ আদিৰ জৰিয়তে দি যোৱাৰ চেষ্টা চলাইছিল।
গ্ৰহৰ খুন্দা: নষ্ট্ৰাডামুছৰ মতে এই সময়ছোলৱাত কোনো বেলেগ গ্ৰহই পৃথিৱীক খুন্দা মাৰিব পাৰে। গ্ৰহৰ উপৰি প্ৰকাণ্ড অগ্নিপিণ্ডই পৃথিৱীক খুন্দা মাৰি ধ্বংস কৰি দিব পাৰে পৃথিৱীৰ বিশাল অঞ্চল।
কেলিফোৰ্নিয়াৰ ভূমিকম্প: নষ্ট্ৰাডামুছে তেওঁৰ গ্ৰন্থত উল্লেখ কৰা পশ্চিমৰ ভূমিত ভয়ংকৰ ভূমিকম্প হ’ব এই বছৰতে। পশ্চিমৰ ভূমি বুলি হয়তো তেওঁ কেলিফোৰ্নিয়াকে বুজাইছিল বুলি বহুতে ক’ব বিচাৰিছে।
শেষত নষ্ট্ৰাডামুছে The Prophecies গ্ৰন্থত কৰি থৈ যোৱা এনে ভৱিষ্যতবাণীবোৰ কেতিয়াও নফলিয়াওক, বিশ্ববাসীৰ এতিয়া সেয়াই কামনা।
