নিৰ্মিয়মান নুনমাটি-দিঘলীপুখুৰী সংযোগী উৰণ সেঁতুৰ বাবে দিঘলীপুখুৰীৰ পাৰত গছ কটাৰ বিৰুদ্ধে মাত মতাৰ বাবে লতাশিল আৰক্ষী থানাই আটক কৰিছে নৰ্থ-ইষ্ট নাওৰ কাৰ্যকৰী সম্পাদক মহেশ ডেকা আৰু সমাজকৰ্মী জয়ন্ত গগৈক গ্ৰেপ্তাৰ কৰিছে অসম আৰক্ষীয়ে।
গুৱাহাটী উচ্চ ন্যায়ালয়ে আমবাৰী-দিঘলীপুখুৰী অঞ্চলৰ গছ নাকাটিবলৈ নিৰ্দেশ দিয়াৰ পিছতো অসম চৰকাৰে দিঘলীপুখুৰীৰ পাৰৰ গছ কাটি ফ্লাই অভাৰ নিৰ্মাণৰ প্ৰচেষ্টা অব্যাহত ৰাখিছে।
উল্লেখ্য যে সদ্যপ্ৰয়াত শিল্পী জুবিন গাৰ্গে যোৱা বছৰ দিঘলীপুখুৰীৰ গছ কটাৰ বিৰুদ্ধে হোৱা আন্দোলনত যোগ দিছিল। গছ কাটি ফ্লাই অভাৰ নিৰ্মাণ কৰিব নালাগে বুলি কৈছিল জুবিন গাৰ্গে। জুবিন গাৰ্গৰ উদ্ধৃতি সম্বলিত পোষ্টাৰ আঁৰি দিঘলীপুখুৰীৰ গছ কটাৰ বিৰোধিতা কৰিছিল কেইবা গৰাকীও সচেতন নাগৰিকে। সেই পোষ্টাৰ আঁৰিবলৈ যাওতেই দিঘলিপুখুৰীৰ পাৰৰ পৰা সাংবাদিক মহেশ ডেকা, সমাজকৰ্মী জয়ন্ত গগৈ, পূজা নিৰালা আৰু সংগীতা দাসক আটক কৰিছে লতাশিল আৰক্ষীয়ে।
