উৰুকা শেষ হ’ল ,তাৰ পাছতো কিন্তু ভোগালীৰ আনন্দ শেষ হোৱা নাই ৷ ভোগালী বিহুৰ লগত সংগতি ৰাখি দুধনৈৰ শিলৰবড়ী গাঁৱত অনুষ্ঠিত হৈছে কেতবোৰ আকৰ্ষণীয় খেল-ধেমালি ৷
বিশেষ কৈ মহিলা আৰু কন কন শিশু সকলৰ মাজত বিভিন্ন ধৰণৰ খেলৰ প্ৰতিযোগিতা কৰি ভোগালী বিহুক আৰু বেছি আকৰ্ষণীয় কৰি তোলে গাঁৱখনৰ ৰাইজে ৷
মহিলাৰ “লজেন (চকলেট) খোৱা, মিউজিক চিয়েৰ, বেলুন ফুকোৱা, পুখুৰীত পাৰত, চকুত কাপোৰ বান্ধি টিন কোৱোৱা, ৰচী টনা প্ৰতিযোগিতাৰ আয়োজন কৰা হয়।
লগতে পঢ়ক: Covid-19 Update: দেশত ২৪ ঘটনাত আক্ৰান্ত ২লাখ ৬৮হাজাৰ; অ’মিক্ৰণ আক্ৰান্ত ৬হাজাৰ অতিক্ৰম
ইয়াৰ লগতে মহিলা সকলৰ বাবে এবিধ অতি আকৰ্ষনীয় খেলো অনুষ্ঠিত কৰে উদ্যোগতাই ৷ সেয়া হৈছে চকুত কাপোৰ বান্ধি হাঁহ ধৰা প্ৰতিযোগিতা ৷ যিয়ে হাঁহ ধৰিব পাৰিব তেওঁৱে মতা হাঁহটো পুৰস্কাৰ হিচাবে লাভ কৰিব ৷
এই খেল চাবলৈ গাঁৱখনত বহু লোকে ভিৰ কৰে আৰু ব্যতিক্ৰমী খেলখন প্ৰত্যক্ষ কৰি আপ্লুত হৈ পৰে ৷ মহিলা সকলৰ এই খেল সমূহে উপস্থিত ৰাইজক যথেষ্ট আনন্দৰ খোৰাক যোগায় ৷
উদ্যোক্তাই জানিবলৈ দিয়া মতে, মহিলা সকল সদায় অৱহেলিত হৈ আছে আৰু বেছি ভাগ গাঁৱৰ মহিলাই ঘৰ অথবা পাকঘৰতে ব্যস্ত থাকে গতিকে মহিলা সকলৰ প্ৰতিভা সমুহ ৰাইজৰ সমুখলৈ আনিবলৈ কিছু প্ৰচেষ্টা চলাইছে।
লগতে পঢ়ক: ব্ৰিটেইনৰ পৰৱৰ্তী প্ৰধানমন্ত্ৰী পদৰ দৌৰত কোন এই ভাৰতীয় বংশোদ্ভৱ ঋষি ছুনাক?
ইয়াৰ জৰিয়তে নৱ প্ৰজন্মক হেৰাই যাৱ ধৰা পৰম্পৰাগত খেল সমূহৰ সৈতে চিনাকি কৰি দিয়াৰো এক সুন্দৰ প্ৰয়াস কৰা হৈছে ৷ প্ৰতিযোগিতাৰ মাজে মাজে ডেকা-গাভৰু, মহিলা সকলোৱে একলগ হৈ বিহু নাচি আনন্দত মতলীয়া হোৱাও দেখা গ’ল ৷
