এণ্ড্ৰইড ফোন প্ৰায়ে মালৱেৰ আৰু ভাইৰাছে অসুবিধাৰ সৃষ্টি কৰি আহিছে বুলি প্ৰায়ে অভিযোগ কৰা দেখা যায়।
এই অভিযোগৰ প্ৰতি লক্ষ্য ৰাখি অলপতে ২৩ টা এণ্ড্ৰইড এপছ চিনাক্ত কৰা হৈছে যিকেইটা আপোনাৰ স্মাৰ্ট ফোনৰ বাবে ক্ষতিকাৰক হিচাপে বিবেচিত হৈছে।
আনহাতে, এই এপছ কেইটা চীনা প্ৰতিষ্ঠান হাৱাকৰ দ্বাৰা নিৰ্মিত।
এই এপছ কেইটাৰ বাবে আপোনাৰ হাতত থকা স্মাৰ্টটো লেহেমীয়া হৈ পৰে আৰু ভাইৰাছৰ দ্বাৰা আক্ৰান্ত হয়। ৩৮২ মিলিয়ন বাৰৰ বাবে এই এপছ সমূহ মোবাইল ফোনত ডাউনলোড কৰা হৈছে।
ভাইৰাছ আক্ৰমণৰ বাবে চিনাক্ত কৰা ২৩ টা এপছৰ ভিতৰত প্ৰথমটো এপছ হৈছে ৱেইদাৰ।
ভাৰতীয় সেনা বাহিনীয়ে হাৱাকৰ দ্বাৰা নিৰ্মিত এই এপছ সমূহ ব্যৱহাৰ নকৰিবলৈ আহ্বান কৰাৰ পাছতো বৰ্তমানো প্লে-ষ্টোৰত এই এপছ সমূহ উপলব্ধ হৈ আছে।
এই এপছ সমূহ প্ৰয়োজন নথকাৰ পাছতো কেমেৰা, ফোন কল, ৰেডিঅ’ আৰু মেজেজৰ বাবে ব্যৱহাৰ কৰা হয়।
হাৱাক প্ৰতিষ্ঠানৰ দ্বাৰা নিৰ্মিত চাউণ্ড ৰেকৰ্ডৰ বাবে ব্যৱহৃত এপছটোৱে স্মাৰ্টফোন ভাইৰাছৰ দ্বাৰা সংক্ৰমিত কৰে বুলি জানিব পৰা গৈছে।
মালৱেৰ আৰু ভাইৰাছৰ বাবে চিনাক্ত কৰা এপছ সমূহ হ’ল-
চুপাৰ ক্লীনাৰ, ভাইৰাছ ক্লীনাৰ ২০১৯, ফাইল মেনেজাৰ, জয় লঞ্চাৰ, কেণ্ডি চেলফি কেমেৰা, হাই ভিপিএন, ফ্ৰী ভিপিএন, কেণ্ডি গেলাৰী, কেলেণ্ডাৰ লাইট, চুপাৰ বেটাৰী, হাই চিকিউৰিটি ২০১৯, নেট মাষ্টাৰ, পাজল বক্স, প্ৰাইভেট ব্ৰাউজাৰ, হাই ভিপিএন প্ৰো, ৱৰ্ল্ড জু, ৱৰ্ল্ড ক্ৰোছি, চোকাৰ পিনবল, দিগ ইট, লেজাৰ ব্ৰেক, মিউজিক ৰোম, ৱৰ্ড ক্ৰাছ, টেপ স্কাই, মাই-এলকেটেল চাপোৰ্ট,ভিউ ৱেহ ষ্টুডিঅ’, হাৱাক এপ, হাই চিকিউৰিটি, এলকেটেল ইনোভেশ্যন লেব, চিজেন হাৱাক।