বিশ্ব ক্ৰিকেটাৰৰ ইতিহাসত পুনৰ এগৰাকী ক্ৰিকেটাৰে এটা অভাৰৰ ৬টা বলত ৬টা ছয় মাৰি অভিলেখ গঢ়িলে।
গেৰী ছোবাৰ্ছ, হাৰ্ছেলি গিবছ, ৰবি শাস্ত্ৰী, যুৱৰাজ সিং, ৰ’জ হোৱাইটলে, হজৰতুল্লাহ জাজাই, লিও কাৰ্টাৰ আৰু কিৰন পোলাৰ্ডৰ পাছত এইবাৰ এনে অভিলেখৰ গৰাকী হ’ল শ্ৰীলংকাৰ বেটছমেন থিছাৰা পেৰেৰা।
প্ৰথমগৰাকী শ্ৰীলংকাৰ ক্ৰিকেটাৰ হিচাপে এই অনন্য কৃতিত্ব অৰ্জন কৰিলে বাওঁহতীয়া বেটছমেন থিছাৰা পেৰেৰাই।
নিজ দেশৰ ঘৰুৱা খেলপথাৰত এখন লীগ মেচৰ এটা অভাৰত ছয়টা ছয় কোবায় ৩১ বছৰীয়া বেটছমেনগৰাকীয়ে।
দেওবাৰে পানাগোডাৰ আৰ্মি গ্ৰাউণ্ডত মেজৰ ক্লাৱৰ সীমিত অভাৰৰ এখন মেচত শ্ৰীলংকাৰ আৰ্মিৰ হৈ ব্লুমফিল্ড ক্ৰিকেট এণ্ড এথলেটিক ক্লাৱৰ বিৰুদ্ধে এই অভিলেখ গঢ়ে পেৰেৰাই।
ইনিংছৰ ২০টা বল খেলিবলৈ থাকোতে বেটিং কৰিবলৈ নামি পেৰেৰাই বিপক্ষৰ বলাৰৰ ওপৰত তাণ্ডৱ চলায় থিছাৰাই।
পেৰেৰাই ১৩টা বলত ৮টা ছয় কোবাই ৫২ৰাণ কৰে ক্ৰিকেটাৰগৰাকীয়ে। স্বীকৃতিপ্ৰাপ্ত কোনো ক্ৰিকেটত শ্ৰীলংকাৰ খেলুৱৈৰ এইটো হৈছে দ্বিতীয়টো দ্ৰুততম অৰ্দ্ধ শতৰাণ।
এইক্ষেত্ৰত দেশখনৰ কৌশল্য ভীৰাৰত্নেই ১২টা বলত কৰা অৰ্দ্ধ শতৰাণৰ অভিলেখটো এতিয়াও অটুট আছে।
