নেলী আৰক্ষী থানাৰ অন্তৰ্গত ৩৭ নং ৰাষ্ট্ৰীয় ঘাই পথত সোমবাৰে সংঘটিত হয় এক শোকাৱহ পথ দুৰ্ঘটনা। এই পথ দুৰ্ঘটনাত তিনিজন আৰোহী ঘটনা স্থলিতে নিহত হয়।
নিহত লোক কেইজন প্ৰকাশ শৰ্মা, বিজয় শৰ্মা আৰু কাৰ্তিক শৰ্মা বুলি জানিব পৰা গৈছে যদিও তেওঁলোকৰ ঠিকনা জানিব পৰা হোৱা নাই।
ঘটনা সন্দৰ্ভত জানিব পৰা মতে যোৰহাটৰ পৰা গুৱাহাটীলৈ আহি থকা তীব্ৰ বেগী এ এছ ০৩-টি-৭৭৫৮ নম্বৰৰ এখন টি য়ুভি বাহনে নেলীৰ ৩৭নং ৰাষ্ট্ৰীয় ঘাই পথৰ কাষত ৰৈ থকা এ এছ-২১চি-৩৬০৭ নম্বৰৰ বলেৰ’ বাহনত তীব্ৰ বেগত খুন্দা মাৰে।
ইয়াৰ ফলতেই এই শোকাৱহ ঘটনাটো সংঘটিত হয়।
কিছু সময় পিছত ঘটনাস্থলত আৰক্ষীৰ লোক উপস্থিত হৈ লোক কেইজনৰ মৃতদেহ উদ্ধাৰ কৰে আৰু মৃতদেহ মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে।
