বাইহাটা চাৰিআলিৰ এক নিৰ্মাণ স্থলীত ৰহস্যজনক অৱস্থাত তিনিজন যুৱকৰ মৃতদেহ উদ্ধাৰৰ ঘটনাই চাঞ্চল্যৰ সৃষ্টি কৰিছে।
বাতৰি অনুসৰি, তিনজনৰ মৃতদেহৰ উপৰি আন এজন যুৱকক সংকটজনক অৱস্থাত উদ্ধাৰ কৰা হৈছে।
মৃত যুৱককেইজনক বাবুল হুছেইন, মুজাফৰ হুছেইন আৰু ৰাতুল আলী বুলি চিনাক্ত কৰা হৈছে। সংকটজনক অৱস্থাত উদ্ধাৰ হোৱা আনজন যুৱক ছফিকুল আলী বুলি জানিব পৰা গৈছে।
এই আটাইকেইজন যুৱকৰ ঘৰ ৰঙিয়াত আৰু তেওঁলোক জলসিঞ্চন বিভাগৰ এটা নিৰ্মাণস্থীত চুক্তিবদ্ধ দৈনিক হাজিৰাৰ শ্ৰমিক হিচাপে নিয়োজিত আছিল।
লগতে পঢ়ক: আৰক্ষীৰ সন্ত্ৰাস! তিনিচুকীয়াত অসম জাতীয়তাবাদী যুৱ ছাত্ৰ পৰিষদৰ সদস্যক ডিএছপিৰ প্ৰহাৰ
স্থানীয় লোকে আৰক্ষীক ঘটনাৰ বিষয়ে জনোৱাৰ পাছত ঘটনাস্থলীত উপস্থিত হৈ আৰক্ষীয়ে তিনিজনক ইতিমধ্যে মৃত্যু ঘটা অৱস্থাত উদ্ধাৰ কৰাৰ লগতে জীৱন-মৃত্যুৰ সৈতে যুঁজি থকা চতুৰ্থজন শ্ৰমিকক হাস্পাতালত ভৰ্তি কৰায়।
সূত্ৰসমূহৰ মতে, এতিয়াও মৃত্যুৰ কাৰণ নিশ্চিত কৰিব পৰা নাই আৰু মৰণোত্তৰ পৰীক্ষাৰ বাবে অপেক্ষা কৰা হৈছে।
লগতে পঢ়ক: নগাঁওৰ ঘটনাটো মুখ্যমন্ত্ৰীৰ অত্যাচাৰী ৰাজত্বৰ এটা প্ৰতিফলন: ড০ সমুজ্জ্বল কুমাৰ ভট্টাচাৰ্য
স্থানীয় লোকে জানিবলৈ দিয়ে যে ঘটনা অত্যন্ত ৰহস্যজনক হৈ ধৰা দিছে কিয়নো প্ৰায় ২০দিন পূৰ্বে নিৰ্মাণস্থলীলৈ অহা যুৱক চাৰিজনৰ দেহত কোনো আঘাতৰ চিন বা ঘটনাটো হত্যা বুলি ভবাৰ বাবে তেনে কোনো ইংগিত ধৰা পৰা নাই।
সমগ্ৰ ঘটনাটো সন্দৰ্ভত আৰক্ষীয়ে ইতিমধ্য তদন্ত প্ৰক্ৰিয়া আৰম্ভ কৰিছে।