অহা ১৭ ডিচেম্বৰত অনুষ্ঠিত হ’বলগীয়া তিৱা স্বায়ত্ত পৰিষদৰ নিৰ্বাচনক লৈ প্ৰাৰ্থীত্ব প্ৰত্যাশীসকলৰ মাজত আৰম্ভ হৈছে তীব্ৰ নিৰ্বাচনী প্ৰচাৰ।
উল্লেখ্য যে ৩৬ টা পৰিষদীয় সমষ্টিৰ ভিতৰত ১১ নং জোনবিল সমষ্টিটোতো বিজেপিৰ দলৰ পৰা প্ৰতিদ্বন্দ্বীতা আগবঢ়াইছে বিনীতা দৈমাৰীয়ে। ৭৩০০ জন ভোটাৰ থকা সমষ্টিটোৰ পৰা সমুখ সমৰত এইবাৰ কংগ্ৰেছৰ পৰা দিপালী বড়ো আৰু জাতীয় ঐক্য মঞ্চৰ পৰা চিদাম দেউৰীয়ে প্ৰতিদ্বন্দ্বীতা আগবঢ়াইছে।
আনহাতে পৰিষদৰ বিগত কাৰ্যকালৰ সময়ত সমষ্টি উন্নয়নৰ দিশত বিশেষ অৰিহণা যোগায় অহা বিজেপিৰ মনোনীত প্ৰাৰ্থী বিনীতা দৈমাৰীয়ে ইতিমধ্যে সমষ্টিৰ সাধাৰণ ভোটাৰ ৰাইজক আকৃষ্ট কৰিবলৈ সক্ষম হৈছে।
ইফালে ৩৬ টা সমষ্টিৰ পৰা এইবাৰ পৰিষদৰ নিৰ্বাচনত প্ৰতিদ্বন্দ্বীতা আগবঢ়াই পৰিষদৰ একক সংখ্যাগৰিষ্ঠতা লাভ কৰিবলৈ সক্ষম হ’ব বুলিও ভাজপাৰ মনোনীত নেত্ৰীগৰাকীয়ে দৃঢ়তাৰে সংবাদ মাধ্যমৰ আগত সদৰী কৰে।
ইফালে, বিগত সময়ত পৰিষদতখনত সংঘটিত ব্যাপক দুৰ্নীতি, কেলেংকাৰিৰ সন্দৰ্ভত সাংবাদিকে সুধা এক প্ৰশ্নৰ উত্তৰত নেত্ৰীগৰাকীয়ে কয় যে এইবাৰ পৰিষদখন ভাজপাৰ দখললৈ আহিলে এখন দুৰ্নীতিমুক্ত তথা নিকা পৰিষদ গঠন কৰিব বুলিও গেৰুৱা দলটোৰ প্ৰক্ষেপিত সদস্যাগৰাকীয়ে তাৎপৰ্যপূৰ্ণ মন্তব্য আগবঢ়ায়।
