বহু প্ৰতিক্ষিত তিৱা স্বায়ত্ত শাসিত পৰিষদৰ নিৰ্বাচন কাইলৈ অনুষ্ঠিত হ’ব।
ইতিমধ্যে তিৱা স্বায়ত্ত পৰিষদৰ নিৰ্বাচনৰ বাবে বেলট বাকছ লৈ ভোটকেন্দ্ৰলৈ পুলিং, পিজাইডিং বিষয়াৰ ৰাওনা হৈছে।
জানিব পৰা মতে নিৰ্বাচন কেন্দ্ৰসমূহলৈ পুলিং, পিজাইডিং বিষয়াসকল বেলট বাকছ লৈ নিজ নিজ ভোটকেন্দ্ৰত উপস্থিত হৈছে।
উল্লেখ্য যে মুঠ ৩৬টা পৰিষদীয় সমষ্টি ক্ৰমে মৰিগাঁও, নগাঁও, হোজাই আৰু কামৰূপ(মহানগৰ)ৰ চাৰিখন জিলাৰ সৰ্বমূঠ ৪০৪টা ভোটগ্ৰহণ কেন্দ্ৰত নিজৰ ভোটাধিকাৰ সাব্যস্ত কৰিব ভোটাৰ ৰাইজে।
৪,৩৩,১৮৩ জন ভোটাৰ আছে। ইয়াৰে পুৰুষ ভোটাৰৰ সংখ্যা ২১,৮২৪০ জন আৰু মহিলা ভোটাৰৰ হ’ল ২১,৪৯৪২গৰাকী। তাৰে এগৰাকী তৃতীয় লিঙ্গৰ ভোটাৰ আছে।
আনহাতে মৰিগাঁও জিলাত ১৯ টা সমষ্টিত নিৰ্বাচন অনুষ্ঠিত হোৱা কথা আছিল যদিও ১৪নং গোভা সমষ্টিটোৰ বিজেপি প্ৰাৰ্থীগৰাকী বিনা প্ৰতিদ্বন্দ্বিতাৰে বিজয়ী হৈছে।
সেয়ে সম্প্ৰতি ১৮ টা সমষ্টিত হ’ব পৰিষদীয় নিৰ্বাচন। ইফালে নিৰ্বাচনটো সুচাৰুৰূপে অনুষ্ঠিত কৰিবলৈ মৰিগাঁও নিৰ্বাচনী বিভাগ আৰু জিলা প্ৰশাসনৰ লগতে আৰক্ষী প্ৰশাসনে নিৰ্বাচনৰ সময়ত যাতে কোনো অপ্ৰীতিকৰ পৰিস্থিতিৰ সৃষ্টি নহয় তাৰ বাবে যাৱতীয় সুৰক্ষামূলক ব্যৱস্থা কটকটীয়া কৰি তুলা হৈছে বুলি জিলাখনৰ আৰক্ষী অধীক্ষক ড° নন্দসিং বৰকলাই সংবাদ মাধ্যমক জানিবলৈ দিয়ে।
উল্লেখৰ আৱশ্যক যে ক’ভিড প্ৰট’কল অনুসৰি নিৰ্বাচনত ভোটাধিকাৰ সাৱ্যস্ত কৰিবলৈ অহা ভোটাৰসকলে শান্তি শৃংখলা অটুত ৰখাৰ লগতে মাস্ক পৰিধান কৰি নিৰ্বাচনী কেন্দ্ৰলৈ আহিবলৈ জিলা উপায়ুক্ত লীনা দাসে বিশেষভাবে আহ্বান জনাইছে।
