দেশৰ বিভিন্ন প্ৰান্তক প্ৰচণ্ড শীতে কঁপাই তুলিছে। অসমলৈও ক্ৰমশঃ আহিছে শীতপ্ৰৱাহ। চলিত সপ্তাহত ৰাজ্যত তুলনামূলকভাৱে বৃদ্ধি পাইছে শীতৰ প্ৰকোপ।
অৱশ্যে অসমত শীত প্ৰৱাহ বৃদ্ধি পালেও এই শীত সহ্যাতীত হোৱা নাই। কিন্তু দেশৰ বিভিন্ন প্ৰান্তত প্ৰচণ্ড শীতে কঁপাই তুলিছে। তাৰে ১০ খন ঠাইৰ বিষয়ে তলল উল্লেখ কৰা হৈছে।
লেহ – নতুনকৈ গঠন হোৱা কেন্দ্ৰীয় শাসিত অঞ্চল লাডাখৰ ৰাজধানী হৈছে লেহ। যোৱা বছৰলৈকে কাশ্মীৰৰ অংগ হৈ থকা লেহত পৰিছে শীতৰ প্ৰচণ্ড প্ৰকোপ। দেশৰ ভিতৰতে অন্যতম শীতপ্ৰধান লেহৰ বৰ্তমানৰ সৰ্বনিম্ন উষ্ণতা হৈছে -১৩ ডিগ্ৰী চেলছিয়াছ।
কেইলং – হিমাচল প্ৰদেশৰ কেইলং অথবা কেইলাঙতো পৰিছে প্ৰচণ্ড শীত। মালানী-লেহ ৰাষ্ট্ৰয় ঘাইপথৰ কাষত থকা কেইলঙৰ বৰ্তমান সৰ্বনিম্ন উষ্ণতা হৈছে -৭.৭ ডিগ্ৰী চেলছিয়াছ।
গুলনাৰ্গ – নতুন কেন্দ্ৰীয় শাসিত অঞ্চল জন্মু আৰু কাশ্মীৰত অৱস্থিত গুলমাৰ্গকো কঁপাই তুলিছে প্ৰচণ্ড শীতে। বৰফেৰে আবৃত্ত দেশৰ অন্যতম শীতপ্ৰধান অঞ্চলটোৰ বৰ্তমানৰ সৰ্বনিম্ন উষ্ণতা হৈছে -৬ ডিগ্ৰী চেলছিয়াছ।
শ্ৰীনগৰ – জন্মু আৰু কাশ্মীৰ ৰাজধানী চহৰখনতো শীতৰ ৰাজত্ব চলিছে। চহৰখনৰ বৰ্তমানৰ সৰ্বনিম্ন উষ্ণতা হৈছে -৫ ডিগ্ৰী চেলছিয়াছ।
কাপোৱাৰা – জন্মু আৰু কাশ্মীৰৰ অতি প্ৰত্যন্ত চহৰ কাপোৱাৰাটো পৰিছে প্ৰচণ্ড শীত। এই সীমান্ত চহৰখনৰ বৰ্তমানৰ সৰ্বনিম্ন উষ্ণতা হৈছে -৪.৫ ডিগ্ৰী ছেলছিয়াছ।
ক’কেৰ্নাগ – জন্মু আৰু কাশ্মীৰৰ অনন্তনাগ জিলাৰ ব্ৰেং ভেলীৰ ক’কেৰ্নাগকো কঁপাই তুলিছে প্ৰচণ্ড শীতে। চহৰখনৰ বৰ্তমানৰ সৰ্বনিম্ন উষ্ণতা হৈছে -৪ ডিগ্ৰী ছেলছিয়াছ।
কাজিগুণ্ড – জন্মু আৰু কাশ্মীৰ অনন্তনাগ জিলাৰ অন্য এখন সৰু চহৰ কাজিগুণ্ড। ইয়াতো কোবাইছে প্ৰচণ্ড শীতে। ইয়াৰ বৰ্তমানৰ সৰ্বনিম্ন উষ্ণতা হৈছে -৪ ডিগ্ৰী চেলছিয়াছ।
কল্পা- হিমাচল প্ৰদেশৰ চুটলেজ নৈ উপত্যকা কল্পাটো পৰিছে প্ৰচণ্ড শীত। উপত্যকাটোত বৰ্তমানৰ সৰ্বনিম্ন উষ্ণতা হৈছে -০.৬ ডিগ্ৰী।
বাণীহাল – জন্মু আৰু কাশ্মীৰ কাজীগুণ্ডৰ অতি প্ৰত্যন্ত গ্ৰাম্যাঞ্চল বাণীহালটোকো কঁপাইছে প্ৰচণ্ড শীতে। অঞ্চলটোৰ বৰ্তমানৰ সৰ্বনিম্ন উষ্ণতা হৈছে -০.৪ ডিগ্ৰী ছেলছিয়াছ।
