আমেৰিকাৰ ৰাষ্ট্ৰপতি ডোনাল্ড ট্ৰাম্পে পুনৰ ভাৰতক শুল্ক বৃদ্ধি কৰাৰ ভাবুকি দিছে। ৰাছিয়াৰ পৰা তেল ক্ৰয় অব্যাহত ৰাখিলে অধিক শুল্ক ভৰিব লাগিব বুলি পুনৰ ভাবুকি প্ৰদান কৰিছে। সাংবাদ মাধ্যমৰ আগত প্ৰকাশ কৰা অনুসৰি প্ৰধানমন্ত্ৰী নৰেন্দ্ৰ মোদীয়ে তেওঁক আশ্বাস দিছে যে ভাৰতে ৰাছিয়াৰ তেল ক্ৰয় বন্ধ কৰিব। কিন্তু ভাৰত চৰকাৰে এই কথা নাকচ কৰাৰ পিছত ট্ৰাম্পে কয়, “যদি তেওঁলোকে এনে কৰে তেন্তে তেওঁলোকে অধিক শুল্ক ভৰি থাকিব লাগিব।” এই মন্তব্যৰ পিছত ভাৰত-আমেৰিকা সম্পৰ্কত উত্তেজনা বৃদ্ধি পাইছে।
উল্লেখ্য যে ট্ৰাম্পে কিছু দিন আগতে দাবী কৰিছিল যে মোদীয়ে ৰাছিয়াৰ তেল ক্ৰয় বন্ধ কৰিব বুলি আশ্বাস দিছে। ভাৰতে ইয়াক নাকচ কৰাৰ পিছত তেওঁ কয় যে দিল্লীয়ে মস্কোৰ পৰা তেল ক্ৰয় “সংকীৰ্ণভাৱে বন্ধ” কৰিছে। অন্যথা অধিক শুল্ক ভৰিব লাগিব। ট্ৰাম্পে দাবী কৰে যে ভাৰতৰ ৰাছিয়াৰ তেল আমদানীয়ে ৰাছিয়াৰ যুদ্ধক ইন্ধন যোগাইছে। যদি ভাৰতে ৰাছিয়াৰ তেল ক্ৰয় বন্ধ কৰে তেন্তে ৰাছিয়াৰ ৰাজহ কৰ্তন হ‘ব আৰু ইউক্ৰেইন যুদ্ধ সমাপ্ত হ‘ব।
ইফালে ভাৰতৰ বৈদেশিক মন্ত্ৰালয়ৰ মুখপাত্ৰ ৰণধীৰ জয়ছৱালে কয় যে ভাৰতৰ শক্তি নীতি ৰাষ্ট্ৰীয় স্বাৰ্থ আৰু বিশ্বব্যাপী অস্থিৰ মূল্যৰ পৰা গ্ৰাহকক ৰক্ষা কৰাৰ প্ৰয়োজনীয়তাৰ দ্বাৰা চলিত। যুদ্ধৰ আৰম্ভণিতে আমেৰিকাই ভাৰতক ৰাছিয়াৰ গেছ আমদানি কৰিবলৈ উৎসাহিত কৰিছিল যাতে বিশ্ব শক্তি বজাৰ স্থিৰ হৈ থাকে।
