অসমত শনিবাৰে দুই ক’ভিড ৰোগীৰ মৃত্যু, মুঠ ৫৩লৈ বৃদ্ধি

দুগৰাকী ক’ভিড ৰোগীয়ে অসমত শনিবাৰে প্ৰাণ হেৰুৱাইছে।

এই দুজনক ধৰি অসমত ক’ভিডত মৃত্যু হোৱা মুঠ লোকৰ সংখ্যা ৫৩লৈ বৃদ্ধি পাইছে।

শনিবাৰে মৃত্যু সাৱটা লোক দুজন হ’ল কামৰূপ মহানগৰ জিলাৰ বিনন্দি ৰাম কলিতা (৬১) আৰু যোৰহাটৰ সুশীল শ্যামল (৬২)।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰি দুয়োৰে পৰিয়াললৈ সমবেদনা জ্ঞাপন কৰিছে।

Sad News – Two #COVID19 patients ~ Sri Binandi Ram Kalita (61, Kamrup Metro) & Sri Sushil Shymal (62, Jorhat) lost their lives today.

I send my prayers & condolences to these two families.

— Himanta Biswa Sarma (@himantabiswa) July 18, 2020

অসমত শুকুৰবাৰলৈকে ৫১গৰাকী ক’ভিড ৰোগীৰ মৃত্যু হোৱাৰ বিপৰীতে ১৪,১০৫গৰাকীয়ে আৰোগ্য লাভ কৰিছিল।

শুকুৰবাৰ পৰ্য্যন্ত সক্ৰিয় ৰোগীৰ সংখ্যা আছিল ৬৪৮৭গৰাকী।

অসমত চিনাক্ত মুঠ ক’ভিড আক্ৰান্তৰ সংখ্যা আছিল ২০,৬৪৬গৰাকী।

ইয়াৰে তিনিগৰাকী আন ঠাইলৈ স্থানান্তৰিত হৈছে।