ভাৰত-বাংলাদেশ সীমান্তত বি এছ এফৰ হাতত আটক দুই গৰু সৰবৰাহকাৰী

ভাৰতীয় সীমান্ত সুৰক্ষা বাহিনীয়ে দেওবাৰে ধুবুৰী আৰু দক্ষিণ শালমাৰা মানকাচাৰ জিলাৰ পৰা দুটা গৰু সৰবৰাহকাৰীক ৯ টা গৰু সহ আটক কৰিবলৈ সক্ষম হয়।

ভাৰতীয় সীমান্ত সুৰক্ষা বাহিনীয়ে ভাৰত আৰু বাংলাদেশ সীমান্তৰ দুটা পৃথক পৃথক স্থানত অভিযান চলাই গৰু সৰবৰাহকাৰী দুটাক আটক কৰে। আটক কৰা গৰু সৰবৰাহকাৰী দুজন ধুবুৰী জিলাৰ ফকীৰগঞ্জ থানাৰ অন্তৰ্গত বংশীৰচৰ গাঁৱৰ সোনাউল্লা আলি(২৫) আৰু দক্ষিণ শালমাৰা থানাৰ অন্তৰ্গত কোকৰাডাংগা গাঁৱৰ জহিৰুল আলী(২৬) বুলি পৰিছয় লাভ কৰা গৈছে।

উল্লেখযোগ্য যে, দুয়োগৰাকী গৰু সৰবৰাহকাৰীয়ে ভাৰতৰ পৰা সীমান্ত পাৰহৈ বাংলাদেশলৈ গৰু সৰবৰাহ কৰি  থকা অৱস্থাতে সীমান্ত সুৰক্ষা বাহিনীয়ে হাতত আটক হয়।

বৰ্তমান আটকাধীন গৰু সৰবৰাহকাৰী দুগৰাকীক গৰু কেইটা সহ তুফানগঞ্জ আৰক্ষীৰ হাতত গটাই দিয়া হয়।

ভাৰত আৰু বাংলাদেশ সীমান্তত প্ৰতিদিনে সীমান্ত সুৰক্ষা বাহিনীৰ হাতত গৰু সৰবৰাহকাৰী আটক হোৱা ঘটনাই ক্ৰমবৰ্দ্ধমান গৰু সৰবৰাহকাৰী চক্ৰ ৰাজ্যত সক্ৰিয় হৈ উঠাটোকে প্ৰমাণ কৰিছে।